ដង្ហិតជាចុល្លព្រឹក្ស តូចមួយប្រភេទ កម្ពស់ប្រហែល ១.៥០ម៉ែត្រ មានដើមកំណើត នៅអាមេរិកខាងត្បូង គេដាំក្បែផ្ទះនៅ សម្រាប់ល្អមើលផង សម្រាប់ប្រើធ្វើថ្នាំផង។ រដូវភ្លៀង ដង្ហិតមានផ្កាលឿង ជាចង្កោម ល្អមើលណាស់ តែពេលខែប្រាំង ផ្កាជ្រុះអស់ ហេតុនេះខ្មែរយើងតែងតែធ្វើប្រស្នាមួយថា «ប្រាំងសឹក កន្តិកបួស»។ ស្ទើរតែគ្រប់ផ្នែករបស់ដង្ហិត ត្រូវបានយកមកប្រើជាឱសថ មិនថា ស្លឹកស្រស់ , ស្លឹកក្រៀម. ផ្កា និងដើម។
*យល់ដឹងនូវអត្ថប្រយោជន៏ក្នុងការព្យាបាលជំងឺសើស្បែកគ្រប់ប្រភេទ៖
– ដើមដង្ហិត ជាដើមថ្នាំពូកែស័ក្តសិទ្ធិ ដោយវាពូកែក្នុងការព្យាបាលជម្ងឺស្រែង ជម្ងឺអង្គែស៊ី។
+ព្យាបាលរោគស្រែង យកស្លឹកស្រស់បុកអោយម៉ដ្ឋ ដាក់អំបិលឬកំបោរស្លាម្លូចូលបន្តិចរួចលាបលើកន្លែងកើត ១ថ្ងៃ២ដង រយៈពេល៧ថ្ងៃនឹងបានជា។
– ដើមដង្ហិតមានលទ្ធភាពអាចសំឡាប់មេរោគ ផ្សិត បំបាត់មេរោគជម្ងឺ បំបាត់បរាសិត
– ថែមលើនេះ វាអាចបញ្ចុះទឹកនោម លាងសំអាតជាតិអាក្រក់ពីក្នុងខ្លួន
ជួយបញ្ចុះលាមក
– វាជាដើមថ្នាំស័ក្តសិទ្ធិ អាចព្យាបាលជំងឺស្បែកធម្មតា
ឬជំងឺស្បែកក្លាយមានខ្ទុះ ស្រែងរមាស់ ធ្លាក់ស រលាករមាស់ទ្វាមាស ស្រែងស៊ីស្បែកក្បាល
រមាស់ទឹកស៊ីជើង ស្អុយក្រចក រើមទ្វាមាស ត្រអក ស្រែងទឹកដោះកូនងែត
ដំបៅរលួយ។
+វិធីព្យាបាល
– គេបេះស្លឹកដែលនៅបៃតងខ្ចី យកមកបុកបំពោក ឬបុកលុញត្រដុសលើកន្លែងឈឺ
ឬបុកច្របាច់យកទឹកស្រស់ៗ លាបលើដំបៅ ២ទៅ៣ដងក្នុង១ថ្ងៃ។
– គេអាចយកស្លឹកដាំទឹក យកទឹកលាងធ្វើអនាម័យស្រីៗ ឬយកទឹកមកលាងដំបៅ
ឬយកមកខ្ពុលមាត់ព្យាបាលដំបៅ ព្យាបាលរឺមច្រាំងមាត់ ឈឺក
– គេអាចយកស្លឹកដាំទឹកផឹក ជួយអោយស្រួលចេញស្លេស ព្យាបាលជម្ងឺរលាកទងសួត
និងជួយអោយទឹកប្រមាត៎ចេញស្រួល ព្យាបាលជមងឺខាន់លឿងបានដែរ។
– ដោយហេតុថា វាមានអនុភាពជាថ្នាំបញ្ចុះលាមក
មិនត្រូវផឹកថ្នាំដង្លិតដាំទឹកយូរពេកទេ ព្រោះអាចធ្វើទុករលាកពោះវៀន។
– អាចយកស្លឹកដាំទឹកងូតក៍បាន ឬបុកដាក់ទឹកងូតក៏បាន បើដំបៅពេញខ្លួន ដូចជាកើតកមរមាស់ជាដើម។
ជាការល្អប្រសើរណាស់ប្រសិនជា បងប្អូនប្រជាពលរដ្ឋសល់ដី គួរតែដាំ ដង្ហិត១ដើម នឹងម្រំ១ដើមនៅឯផ្ទះ ពីព្រោះដើមឈើប្រភេទនេះជួយព្យាបាលជំងឺបានច្រើនមុខ ជាពិសេសជម្ងឺស្បែកដែលជំងឺនេះភាគច្រើន គឺកើតនៅលើមនុស្សគ្រប់វ័យ ៕