គង់ ចាន់ស្រីមុំ និង សុគន្ធ ថេរ៉ាយុ តារាខ្មែរដំបូងកាន់ iPhone Duo

ទើបតែប្រកាសចេញលក់ជាផ្លូវការភ្លាមៗស្មាតហ្វូនអេក្រង់បត់បានស៊េរីថ្មី iPhone Duo របស់ក្រុមហ៊ុន Apple បានទាក់ទាញការចាប់អារម្មណ៍យ៉ាងខ្លាំងពីអតិថិជនខណៈតារាល្បីរបស់កម្ពុជាពីររូបគឺអ្នកនាង គង់ ចាន់ស្រីមុំ និងតារាចម្រៀង សុគន្ធ ថេរ៉ាយុ បានបង្ហាញខ្លួនជាមួយស្មាតហ្វូនម៉ូដែលនេះភ្លាមៗទាំងកណ្តាលយប់។ នេះបង្ហាញថាអ្នកសិល្បៈពីររូបនេះគឺជាតារាដែលបានកាន់ iPhone Duo មុនគេនៅស្រុកខ្មែរ។

អ្វីដែលធ្វើឱ្យមហាជនចាប់អារម្មណ៍គឺការដែលតារាទាំងពីររូបបានបង្ហាញស្មាតហ្វូនម៉ូដែលថ្មីនេះ ស្របពេលដែលក្រុមហ៊ុន Apple ទើបបានប្រកាសដាក់លក់ជាផ្លូវការនៅថ្ងៃទី២៣ ខែតុលា ឆ្នាំ២០២៦ប៉ុណ្ណោះ។

តារាសម្តែង គង់ ចាន់ស្រីមុំ ត្រូវបានទស្សនិកជនគស្គាល់ថាជាតារាស្រីមានជីវភាពធូរធារ និងចូលចិត្តប្រើប្រាស់សម្ភារៈទំនើបៗ ខណៈតារាចម្រៀង សុគន្ធ ថេរ៉ាយុ ក៏ជាតារាប្រុសមួយរូបក៏តែងតែដេញតាមសម័យកាលស្មាតហ្វូនជំនាន់ថ្មី។ ស្របពេល ក្រុមហ៊ុន Apple ប្រកាសលក់ភ្លាម នៅពាក់កណ្តាលយប់ថ្ងៃទី២៣ តុលា គង់ ចាន់ស្រីមុំ ស្រាប់តែបង្ហោះវីដេអូ Unboxing ម៉ូដែលថ្មី iPhone Duo ក្តៅៗតែម្តង។

មិនខុសពីតារាសម្តែង គង់ ចាន់ស្រីមុំ ប៉ុន្មាននោះទេនៅម៉ោងជិត១ទៀបភ្លឺឈានចូលថ្ងៃទី២៤ ខែតុលា តារាចម្រៀង សុគន្ធ ថេរ៉ាយុ ក៏បានបង្ហោះវីដេអូមួយដែលបង្ហាញថាលោកក៏មាន iPhone Duo នៅក្នុងដៃផងដែរ។

យ៉ាងណាមិញ ការបង្ហាញស្មាតហ្វូននេះក្នុងពេលជិតគ្នា បានធ្វើឱ្យមានការចាប់អារម្មណ៍ថា អ្នកនាង គង់ ចាន់ស្រីមុំ និងលោក សុគន្ធ ថេរ៉ាយុ អាចជាតារាខ្មែរដំបូងៗដែលបានបង្ហាញខ្លួនជាមួយ iPhone Duo។

មិនត្រឹមតែជាឧបករណ៍ទំនាក់ទំនងប៉ុណ្ណោះទេស្មាតហ្វូនម៉ូដែលថ្មីរបស់ Apple ក៏ត្រូវបានអ្នកប្រើប្រាស់ជាច្រើនចាត់ទុកថាជាផលិតផលបច្ចេកវិទ្យាដែលបង្ហាញពីចំណង់ចំណូលចិត្ត និងរបៀបរស់នៅទាន់សម័យផងដែរទោះបីជាវាមានតម្លៃរាប់ពាន់ដុល្លារក្តី៕