ម៉ៃកូ ខកចិត្តនឹងអ្នកមួយចំនួនរិះគន់ថាជោ.រក្រោយនាំជនបរទេសទៅទស្សនាអង្គរវត្ត

ម៉ៃកូ ដែលជាតារាសម្តែងនិងជាអ្នកបង្កើតមាតិកាមួយរូបបានបង្ហាញការខកចិត្តយ៉ាងខ្លាំងនៅពេលឃើញជាតិសាសន៍ឯងរិះគន់លោកថា «ជោរ» បន្ទាប់ពីខិតខំនាំជនបរទេសទៅទស្សនាប្រាសាទអង្គរវត្ត។

នៅថ្ងៃទី២៥ ខែកញ្ញា ម៉ៃកូ បានបង្ហោះវីដេអូមួយដោយភ្ជាប់មកជាមួយនឹងចំណងជើងថា «ខកចិត្តតិចតួចដែរ»។ អ្នកបង្កើតមាតិការូបនេះបាននិយាយថា ជនបរទេសជិត១០០នាក់ដែលបានមកធ្វើការផងដើរលេងផង ដោយលោកនិងក្រុមការងារមិនបានភ្លេចនាំពួកគាត់ទៅទស្សនាប្រាសាទអង្គរវត្តនោះទេ។ អ្វីដែលទទួលបាន ម៉ៃកូ បាននិយាយលោកត្រូវបានគេរិះគន់ទៅវិញជាមួយនឹងពាក្យសម្តីថា «ជោរ» និងឱ្យខ្លួនបញ្ឈប់សកម្មភាពទាំងនេះ។



ម៉ៃកូ បាននិយាយថាលោកក្លាយជាមនុស្សជោរនៅពេលជនបរទេសមកលេងហើយបានថតវីដេអូផ្សព្វផ្សាយពីស្រុកខ្លួនឯង។ តារាសម្តែងក្នុងរឿង BL រូបនេះបន្ថែមទៀតថាមានមនុស្សច្រើនបានអរគុណលោកដែលបាននាំជនបរទេសមកទស្សនាតំបន់អង្គរ ផ្ទុយទៅវិញមានតែមនុស្សមួយក្រុមតូចប៉ុណ្ណោះដែលថាលោកជាមនុស្សជោរ។




បន្ទាប់ពី ម៉ៃកូ បានលើកឡើងពីមតិមួយចំនួនដែលរិះគន់លោកទាំងលោកខំជំរុញឱ្យជនបរទេសមកទស្សនាកម្សាន្តនៅប្រាសាទអង្គរវត្តមានទស្សនិកជនជាច្រើនទៀតបានបញ្ចេញមតិលើកទឹកចិត្តមកកាន់អ្នកបង្កើតមាតិការូបនេះដោយកុំឱ្យខ្វល់ពីពាក្យសម្តីរិះគន់ទាំងនោះ។

មួយចំហៀងតូចជាពាក្យរិះគន់មួយចំហៀងគឺការលើកទឹកចិត្តប៉ុន្តែសម្រាប់ ម៉ៃកូ អ្វីដែលកកំពុងធ្វើគឺការបង្ហាញស្រុកខ្មែរឱ្យភ្ញៀវបរទេសបានឃើញនិងបានស្គាល់។ ព្រោះពេលជនបរទេសម្នាក់បានមកឈរនៅមុខអង្គរវត្ត ហើយថតរូប ថតវីដេអូ និងយកទៅចែករំលែកជាមួយមិត្តភក្តិរបស់ពួកគេនោះក៏ជាវិធីមួយដែលធ្វើឱ្យ កម្ពុជា និងប្រាសាទអង្គរវត្តទទួលបានការចាប់អារម្មណ៍កាន់តែទូលំទូលាយផងដែរ៕