វៀតណាម ខាតបង់ធ្ងន់ធ្ងរ ក្រោយចិនសម្ពោធព្រែកជីកថ្មី

ប្រទេសចិនបានបើកដំណើរការជាផ្លូវការនូវ ព្រែកជីកភីងលូ (Pinglu Canal)  ដែលធ្វើឱ្យវៀតណាម ប្រឈមមុខនឹងការខាតបង់សេដ្ឋកិច្ចយ៉ាងធ្ងន់ធ្ងរ។

ព្រែជីកនេះ មានប្រវែង ១៣៤.២ គីឡូម៉ែត្រ ដោយចំណាយអស់ជាង១០,៧៥ពាន់លានដុល្លារ។ ព្រែកជីកភីងលូ (Pinglu Canal) សាងសង់ឡើង ដើម្បីតភ្ជាប់ពីទីក្រុងណាននីង នៃតំបន់ស្វយ័តគ័ងស៊ី ឆ្ពោះទៅកាន់ឈូសមុទ្រប៊េប៊ូ (Beibu) ដែលស្ថិតនៅកៀកនឹងព្រំដែនទឹករបស់វៀតណាម។

ព្រែកជីក Pinglu នឹងជួយកាត់បន្ថយចម្ងាយដឹកជញ្ជូនតាមផ្លូវទឹកពីតំបន់ភាគនិរតីនៃប្រទេសចិនទៅកាន់សមុទ្របានរហូតដល់៥៦០ គីឡូម៉ែត្រ និងកាត់បន្ថយថ្លៃដឹកជញ្ជូនចន្លោះពី ១៨% ទៅ ៣០%។

ការចុះថោកនៃតម្លៃដឹកជញ្ជូននេះ នឹងធ្វើឱ្យទំនិញចិនមានតម្លៃកាន់តែធូរថ្លៃ និងអាចវាយលុកចូលមកទីផ្សារអាស៊ាន រួមទាំងវៀតណាមបានលឿន និងងាយស្រួលជាងមុន។

ដូច្នេះអាជីវកម្ម និងសហគ្រាសក្នុងស្រុករបស់វៀតណាមនឹងត្រូវប្រឈមមុខនឹងការប្រកួតប្រជែងតម្លៃយ៉ាងខ្លាំងក្លា ដែលអាចប៉ះពាល់ដល់ចង្វាក់ផលិតកម្មក្នុងស្រុករបស់ខ្លួន៕