Jennie ប្រឈមមុខនឹងការចោ.ទប្រកាន់ពីបទលួចចម្លងបន្ទាប់ពីចេញផ្សាយវីដេអូខ្លីៗសម្រាប់អាល់ប៊ុមថ្មី

Jennie សមាជិកក្រុម BLACKPINK កំពុងទទួលបានការចាប់អារម្មណ៍យ៉ាងខ្លាំងនៅលើបណ្តាញសង្គម បន្ទាប់ពីបញ្ចេញផ្ទាំងផ្សព្វផ្សាយអាល់ប៊ុម EP «Fallen Angel» ។ ទោះយ៉ាងណា រូបភាពនេះត្រូវបានអ្នកប្រើប្រាស់អ៊ីនធឺណិតមួយចំនួនលើកឡើងថាមានភាពស្រដៀងគ្នាទៅនឹងស្នាដៃរបស់តារាចម្រៀង Ariana Grande និង Cherie Amour។

កាលពីថ្ងៃទី ២៦ ខែសីហា Jennie បានចែករំលែកផ្ទាំងផ្សព្វផ្សាយអាល់ប៊ុម «Fallen Angel» ព្រមទាំងព័ត៌មានស្តីពីការបញ្ជាទិញជាមុន។ ផ្ទាំងរូបភាពដែលមានការរចនាបែបស្រស់ស្អាត និងពណ៌ទាក់ទាញ បានទទួលការចាប់អារម្មណ៍ភ្លាមៗ ប៉ុន្តែក៏បានបង្កឱ្យមានការជជែកវែកញែកនៅលើបណ្តាញសង្គមផងដែរ។ អ្នកប្រើប្រាស់មួយចំនួនបានប្រៀបធៀបប្លង់ ពណ៌ និងរូបភាពក្នុងផ្ទាំងផ្សព្វផ្សាយរបស់ Jennie ទៅនឹងរូបភាពផ្សព្វផ្សាយបទ «Supernatural» របស់ Ariana Grande។ ចំណែកអ្នកផ្សេងទៀតក៏បានលើកឡើងពីភាពស្រដៀងគ្នាទៅនឹងស្នាដៃ «Spiritual Ascension» របស់ Cherie Amour ផងដែរ។

ការប្រៀបធៀបទាំងនេះបានធ្វើឱ្យមានមតិរិះគន់មួយចំនួន ដោយអ្នកគាំទ្រ និងអ្នកប្រើប្រាស់បណ្តាញសង្គមបានចោទជាសំណួរអំពីភាពច្នៃប្រឌិត និងប្រភពនៃគំនិតរចនារូបភាពសម្រាប់គម្រោងថ្មីរបស់ Jennie។

ភាពចម្រូងចម្រាសនេះកើតឡើងស្របពេលដែល Jennie កំពុងបន្តសកម្មភាពក្នុងអាជីពទោលយ៉ាងសកម្ម បន្ទាប់ពីទទួលបានការចាប់អារម្មណ៍ជាមួយអាល់ប៊ុម «Ruby»។ នាងក៏បានបង្ហាញខ្លួននៅក្នុងកម្មវិធីតន្ត្រី និងឆាកធំៗជាច្រើន ដោយសម្តែងបទចម្រៀងថ្មីៗ រួមមាន «Less Than a Lover», «Lock It Down» និង «Heaven» ដែលក្រោយមកត្រូវបានរំពឹងថានឹងមាននៅក្នុងគម្រោង «Fallen Angel»។

អាល់ប៊ុម EP Fallen Angel ត្រូវបានគ្រោងចេញផ្សាយនៅថ្ងៃទី ២៨ ខែសីហា ដោយរួមមានបទចម្រៀង ៣បទ គឺ «Fallen Angel», «Heaven» និង «Less Than a Lover»។ វីដេអូចម្រៀងសម្រាប់បទចំណងជើង «Fallen Angel» ក៏ត្រូវបានគ្រោងចេញផ្សាយនៅថ្ងៃដដែលផងដែរ៕