ទេព បូព្រឹក្ស លើកឡើងបែបនេះក្រោយការផាត់មុខរបស់ខ្លួនត្រូវគេចោ.ទប្រកាន់ក្នុងរឿងមិនសមរម្យ

ប្រិយមិត្តដែលតាមដានតារាចម្រៀង ទេព បូព្រឹក្ស ប្រាកដជាដឹងហើយថាតារាស្រីរូបនេះនិយមតុបតែងខ្លួនជាមួយនឹងស្ទាយ៍ប្លែកៗមិនឱ្យជាន់គ្នាដែលសឹងតែគ្មានតារាខ្មែររូបណាហ៊ានធ្វើឡើយ។ ជាក់ស្តែងថ្មីៗនេះ ទេព បូព្រឹក្ស ក៏បានផាត់មុខជាមួយនឹងស្ទាយ៍ Fashion ប្លែកភ្នែកបន្តទៀតប៉ុន្តែលើកនេះមានមតិរិះគន់និងចោទប្រកាន់លើនាងក្នុងរឿងមិនសមរម្យប្រៀបធៀបនឹងករណីរបស់ ទ្រី សក្កដា ដែលជាមនុស្សញៀ.នថ្នាំ។

បន្ទាប់ពីរងនូវភាពចម្រូងចម្រាសត្រូវបានអ្នកលេងបណ្តាញសង្គមមួយចំនួនគិតលើនាងមិនសមរម្យមិនអាចទទួលយកបានក្នុងការតុបតែងខ្លួនបែបនេះតារាចម្រៀង ទេព បូព្រឹក្ស បានចេញមកបញ្ជាក់ថាស្ទីលតុបតែងខ្លួនបែប Fashion នេះគឺនៅបណ្តាប្រទេសផ្សេងមានជាយូរមកហើយដូច្នេះនៅក្នុងស្រុកខ្មែរឱ្យមានម្នាក់ដែរទៅ។



នៅរសៀលថ្ងៃទី២៧ ខែសីហា ទេព បូព្រឹក្ស បានសរសេរនៅលើហ្វេកប៊ុកផ្ទាល់ខ្លួនថា «ត្រៀម style មុខឱ្យហើយទុកផាត់ពេល TBP FAN PARTY។ ធ្វើមិចហ បើ ទេព បូព្រឹក្ស ចូលចិត្តអ្វីប្លែកៗចឹង»។ តារាចម្រៀងរូបនេះលើកឡើងទៀតថា ២០២៦ ស្តាយចឹងៗ ពិភពលោកគេធ្វើច្រើនហើយចឹងនៅខ្មែរឱ្យមាននាងម្នាក់ដែរទៅក្នុងនាមជាតារាល្បីម្នាក់ដែរខាងប្លែក Fashion ។

ការលើកឡើងនេះខាងលើនេះគឺបង្ហាញពីទស្សនៈរបស់ ទេព បូព្រឹក្ស ដែលចង់បង្ហាញពីភាពច្នៃប្រឌិត និងភាពខុសប្លែកតាមរយៈ Fashion និងការតុបតែងខ្លួន ជាជាងការដើរតាមស្ទីលទូទៅហើយនេះក៏មិនមែនទើបតែចាប់ផ្តើមឡើយ។ កន្លងមកនេះតារាស្រីរូបនេះតែងតែនិយមតុបតែងខ្លួនខ្លាំងៗ និងរិះរកស្ទីលថ្មីជានិច្ចមិនឱ្យអ្នកទស្សនាសុំាភ្នែកឡើយ។



ក្រៅពីការតុបតែងខ្លួនបែបច្នៃប្រឌិត តារាចម្រៀង ទេព បូព្រឹក្ស ក៏មានស្ទីលផាត់មុខបែបធម្មតា ទៅតាមកម្មវិធីចូលរួមនីមួយៗហើយតែងតែទទួលបានការសរសើរយ៉ាងច្រើនពីទស្សនិកជនចំពោះសម្រស់របស់នាងដែលកាន់តែស្រស់ស្អាតឡើយពីមួយថ្ងៃទៅមួយថ្ងៃ៕