តារាចម្រៀង នាង គន្ធា បានចេញវីដេអូឆ្លើយតបទៅនឹងការបញ្ចេញមតិយោបល់របស់អ្នកលេងបណ្តាញសង្គមម្នាក់ដែលនិយាយដាក់នាងថាស្រីស្រលាញ់ស្រីគ្មានអនាគត។ នាង គន្ធា បានចាត់ទុកសម្តីនេះជាការរើ.សអើ.ងខណៈដែលគ្រួសាររបស់នាងគឺយល់ស្របចំពោះទំនាក់ទំនងនេះ។.png)
ប្រិយមិត្តមួយចំនួនជ្រាបមកហើយថាតារាចម្រៀង នាង គន្ធា ម្ចាស់បទ «បេះដូងចេះស្រវឹង» បានបង្ហាញទំនាក់ទំនងស៊ីជម្រៅជាមួយនឹងតារាចម្រៀង ម៉ាម៉ា អស់រយៈពេលជាច្រើនឆ្នាំមកហើយ។ ថ្មីៗនេះ នាង គន្ធា បានចេញវីដេអូមួយបន្ទាប់ពីមានបុរសម្នាក់និយាយដាក់នាងថាស្រីស្រលាញ់ស្រីគ្មានអនាគត។ នាង គន្ធា បានឆ្លើយតបថា អនាគតរបស់នាងមិនស្ថិតលើមាត់អ្នកដទៃឡើយហើយអរគុណសម្រាប់ការខ្វាយខ្វល់រឿងនាង។
តារាចម្រៀងក្នុងទ្រនំសាន់ដេរូបនេះបាននិយាយថាសម្តីរបស់បុរសនោះគឺជាការរើសអើង ហើយក្រុមគ្រួសាររបស់នាងមួយចំនួនធំទាំងសងខាងក៏មានការយល់ស្របនឹងទំនាក់ទំនងនេះដោយមិនមានការរើសអើងឡើយ។ នាង គន្ធា ថាអ្នកដែល Reply Story របស់នាងមើលទៅហាក់ដូចជាអ្នកធ្វើការចេះដឹងមួយរូបប៉ុន្តែបែរជាមានគំនិតរើសអើងចំពោះអ្នកទាំងពីរដូចនេះ។ គន្ធា ថាទំនាក់ទំនងនាងនិងដៃគូគឺមានរយៈពេលជិត៦ឆ្នាំហើយក្រុមគ្រួសារទាំងសងខាងដឹងឮពីព្រោះនេះជាក្តីសុខរបស់កូនៗ ហើយជីវិតរបស់នាងមិនស្ថិតនៅលើមាត់អ្នកដែលបញ្ចេញមតិនេះទេ។
មុននឹងបញ្ចប់វីដេអូ នាង គន្ធា បានផ្តាំផ្ញើទៅកាន់គណនីនោះឱ្យប្រុងប្រយ័ត្នពាក្យសម្តីរបស់ខ្លួនមុននឹងបញ្ចេញមតិទៅកាន់អ្នកផ្សេងទៀត។
គួរបញ្ជាក់ផងដែរថា នេះមិនមែនជាលើកទី១នោះទេដែល នាង គន្ធា ចេញមកតបតនឹងមតិវែកញែកនិងរិះគន់ពីជីវិតរបស់នាង៕
