ល្បីថា Baby Shark Boy នឹងត្រឡប់មកវិញក្នុងនាមជាតារាចម្រៀង K-pop

នៅថ្ងៃទី១០ ខែសីហា ក្រុមហ៊ុន Pinkfong ដែលជាភ្នាក់ងារនៅពីក្រោយសិទ្ធិផ្តាច់មុខ Baby Shark បានប្រកាសជាផ្លូវការថាក្មេងប្រុសដែលបានបង្ហាញខ្លួននៅក្នុងវីដេអូចម្រៀង Baby Shark ឆ្នាំ២០១៦ នឹងបង្ហាញខ្លួនជាលើកដំបូងក្នុងនាមជាអ្នកចម្រៀង។ បទចម្រៀងដំបូងរបស់គេមានចំណងជើងថា WAVE នឹងចេញផ្សាយនៅថ្ងៃទី២០ ខែសីហា នៅលើវេទិកាតន្ត្រីឌីជីថលក្នុងស្រុក និងអន្តរជាតិ ដោយមានការចូលរួមពី Joohoney ដែលជាអ្នករ៉េបសំខាន់នៃក្រុមចម្រៀងបុរស Monsta X។ ឈ្មោះលើឆាកដែលអ្នកចម្រៀងរូបនេះបានជ្រើសរើសគឺ Baby Shark Boy។

វីដេអូខ្លីរយៈពេល ១៧ វិនាទីនេះត្រូវបានចេញផ្សាយក្នុងពេលតែមួយទាំងនៅលើឆានែល YouTube របស់ Baby Shark និងគណនីប្រព័ន្ធផ្សព្វផ្សាយសង្គមផ្ទាល់ខ្លួនរបស់លោក។ ការប្រកាសបង្ហាញខ្លួនលើកដំបូងនេះបានបង្កើតប្រតិកម្មផ្ទុយគ្នាភ្លាមៗនៅលើប្រព័ន្ធផ្សព្វផ្សាយសង្គម។

អ្នកមួយចំនួនគឺជាការភ្ញាក់ផ្អើលនៅពេលដឹងថាក្មេងប្រុសស្លៀកឈុតហែលទឹក ក្លាយជាក្មេងជំទង់មានរូបរាងខ្ពស់ ឈរថតរូបដូចជាអ្នកហ្វឹកហាត់ Kpop ពិតប្រាកដ។ មតិខ្លះទៀតថា ឱ្យអ្នកចម្រៀងរូបនេះពិចារណាឡើងវិញពីការប្រើឈ្មោះលើឆាក Baby Shark Boy ស័ក្តិសមសម្រាប់ស្ថានភាពនៅវ័យក្មេងចុះប្រសិនជាពេលខាងមុខរូបគេមានវ័យច្រើនសមនឹងការហៅបែបនេះទៀតឬយ៉ាងណា។

Geon Roung បាននិយាយនៅក្នុងសេចក្តីថ្លែងការណ៍របស់ក្រុមហ៊ុនថា «ខ្ញុំតែងតែដឹងគុណដែលមនុស្សនៅតែចងចាំវីដេអូដែលខ្ញុំបានចូលរួមនៅពេលខ្ញុំនៅក្មេង។ កាលពីដប់ឆ្នាំមុន ខ្ញុំបានរាំជាមួយ Baby Shark។ ឥឡូវនេះ ខ្ញុំចង់ឱ្យមនុស្សឮសំឡេងរបស់ខ្ញុំ និងរឿងដែលខ្ញុំបានសរសេរ»។

Baby Shark Boy មានឈ្មោះពិតថា Park Geon-roung មានអាយុ ១៧ ឆ្នាំ ដែលល្បីល្បាញយ៉ាងខ្លាំងសម្រាប់បទ « Baby Shark» ដែលពេលនេះវីដេអូនេះទទួលបានការទស្សនាលើសពី ១៧.២ ពាន់លានដង ៕