សៀវភៅមួយនេះពិតជាធម្មតាមែន ! ធ្វើឱ្យកម្ពុជាល្បីដល់កម្រិតសកលនិងទទួលបានការចាប់អារម្មណ៍ខ្លាំងពីគ្រប់បណ្តាសារព័ត៌មានបរទេសជាច្រើន

ភ្នំពេញ ៖ ក្នុងបរិបទនយោបាយ និងអក្សរសិល្ប៍សកល វាមិនមែនជារឿងសាមញ្ញនោះទេ ដែលស្នាដៃចងក្រងពីដំណើរជីវិត និងយុទ្ធសាស្ត្ររបស់មេដឹកនាំនៃប្រទេសអាស៊ីអាគ្នេយ៍មួយ អាចទាក់ទាញកែវភ្នែក និងស្មារតីរបស់អ្នកវិភាគអន្តរជាតិឱ្យងាកមកជជែកដេញដោលយ៉ាងខ្លាំងក្លា ។ បច្ចុប្បន្ន ចរន្តនៃការចាប់អារម្មណ៍កម្រិតសកលកំពុងតែផ្ទុះឡើងឥតឈប់ឈរ ជុំវិញការចេញផ្សាយសៀវភៅជីវប្រវត្តិបែបយុទ្ធសាស្ត្រ “The Father Who Shielded and Never Left” ដែលនិពន្ធនិងរចនាដោយលោកស្រី Fari ។

យោងតាមការតាមដាន និងស្រង់ព័ត៌មានពីបណ្តាញផ្សព្វផ្សាយធំៗនៅបរទេស អ្វីដែលធ្វើឱ្យមជ្ឈដ្ឋានអ្នកអានសកលលោកមានការភ្ញាក់ផ្អើល គឺខ្លឹមសារនៃសៀវភៅនេះបានលាតត្រដាងពី «រូបមន្តសន្តិភាព» ជាក់ស្តែងដែលកម្ពុជាបានអនុវត្ត ។ សារព័ត៌មានអន្តរជាតិជាច្រើនបានសម្រុកចុះផ្សាយ និងធ្វើការវិភាគយ៉ាងស៊ីជម្រៅ ដោយបានលើកឡើងថា យុទ្ធសាស្ត្រ «ឈ្នះ-ឈ្នះ» របស់សម្ដេចតេជោ ហ៊ុន សែន មិនមែនគ្រាន់តែជាប្រវត្តិសាស្ត្រនៃការបញ្ចប់សង្គ្រាមស៊ីវិលធម្មតានោះទេ ប៉ុន្តែវាគឺជាគ្រឹះសន្តិភាពដ៏វិសេសវិសាល ដែលពិភពលោកបច្ចុប្បន្នកំពុងស្វែងរកដើម្បីដោះស្រាយវិបត្តិជម្លោះសកល។

ចំណុចស្នូលដ៏មានទម្ងន់ដែលសារព័ត៌មានបរទេសដកស្រង់ទៅចុះផ្សាយច្បាស់ៗ គឺការវិវត្តនៃភាពជាមេដឹកនាំរបស់កម្ពុជា ដែលហ៊ានធ្វើខ្លួនជាខែលការពារប្រជាជាតិ ។ ការឈរជើងយ៉ាងរឹងមាំ និងស្មារតី «មិនដែលបោះបង់ចោលប្រជាជន» ទោះក្នុងស្ថានភាពគ្រោះថ្នាក់បំផុត ត្រូវបានអន្តរជាតិចាត់ទុកថាជាតម្លៃពិតនៃភក្តីភាព ។ លើសពីនេះ បរទេសក៏បានឆ្លុះបញ្ចាំងពីនិរន្តរភាពនៃស្ថិរភាពនយោបាយបច្ចុប្បន្ន ក្រោមការដឹកនាំរបស់សម្ដេចធិបតី ហ៊ុន ម៉ាណែត ដែលបានបង្ហាញពីបញ្ញាដ៏ខ្ពង់ខ្ពស់ និងការទូតអត់ធ្មត់ក្នុងការរក្សាសន្តិភាព និងការពារសុវត្ថិភាពពលរដ្ឋជាធំ ក្នុងរាល់ការដោះស្រាយវិបត្តិជាក់ស្តែង។

ជោគជ័យនៃអំណាចទន់ និងមោទនភាពជាតិខ្មែរ ការដែលសៀវភៅ “The Father” ក្លាយជាប្រធានបទក្តៅគគុកលើឆាកអន្តរជាតិ គឺជាសក្ខីភាពបញ្ជាក់ពីជោគជ័យដ៏ធំធេងនៃយុទ្ធសាស្ត្រ Narrative Diplomacy។ វាបានបង្ហាញថា កម្ពុជាបានជោគជ័យក្នុងការនាំយក “ប្រវត្តិសាស្ត្រពិត” និងបញ្ញារបស់ខ្មែរ ទៅដណ្តើមការចាប់អារម្មណ៍ និងការគោរពពីពិភពលោកទាំងមូល។ ព្រឹត្តិការណ៍នេះបានបង្កើតជាចរន្តមោទនភាពជាតិយ៉ាងខ្លាំងក្លានៅក្នុងស្រុក ធ្វើឱ្យសាធារណជនកាន់តែយល់ច្បាស់ពីតម្លៃមិនអាចកាត់ថ្លៃបាននៃមរតកសន្តិភាព។

ជោគជ័យនៃការចុះផ្សាយព្រោងព្រាតពីសំណាក់សារព័ត៌មានអន្តរជាតិ គឺជាភស្តុតាងដ៏រឹងមាំថា «សៀវភៅមួយនេះពិតជាមិនមែនសៀវភៅធម្មតាមែន»។ សៀវភៅ “The Father Who Shielded and Never Left” មិនត្រឹមតែលើកកម្ពស់កិត្តិយស និងកេរ្តិ៍ឈ្មោះថ្នាក់ដឹកនាំកម្ពុជាប៉ុណ្ណោះទេ ប៉ុន្តែវាបានក្លាយជាកញ្ចក់ឆ្លុះបញ្ចាំងប្រាប់ពិភពលោកថា ភាពជាអ្នកដឹកនាំដែលប្រកបដោយចក្ខុវិស័យ និងសេចក្តីស្រឡាញ់ពិតចំពោះប្រជាជាតិ គឺអាចប្រែប្រួលវាសនាប្រទេសមួយឱ្យរុងរឿង និងទទួលបានការគោរពជាសកលជារៀងរហូត ៕