ក្តៅគគុក! កាកា អូស្ត្រាលី ទម្លាយសំឡេងរបស់ភរិយា ស៊ុក សុភា ដោយចោ.ទថាដៀ.លកូនរបស់ខ្លួននិងលោក សាន សុជា

អ្នកបង្កើតមាតិកា កាកា អូស្ត្រាលី បានបង្ហាញការខឹងសម្បារនិងទម្លាយជាសាធារណៈនូវខ្សែអាត់សំឡេងដោយប្រកាន់ទៅកាន់អតីតតារាស្រី សារីណា ភរិយារបស់អតីតតារាសម្តែង ស៊ុក សុភា ដែលនិយាយប្រមាថចំពោះកូនរបស់ខ្លួនក្នុងន័យមិនសមរម្យរួមទាំងគម្រោងការវាយប្រហារទៅកាន់លោក សាន សុជា និងភរិយា។ អ្នកបង្កើតមាតិការូបនេះថែមទាំងព្រមានចាត់វិធានការដាក់ពាក្យបណ្តឹងនៅប្រទេសអូស្រ្តាលីទៅកាន់ភរិយា ស៊ុក សុភា។

កាលពីយប់ថ្ងៃទី២៤ អ្នកនាង សារីណា ដែលគេដឹងថាជាភរិយារបស់អតីតតារាសម្តែង ស៊ុក សុភា បានបង្ហោះពីវីដេអូដែលភ្ជាប់មកជាមួយនឹងខ្លឹមសារថា «បងស្រីអើយម៉េចបានហ៊ាន ប្រើពាក្យម្លឹងៗជាសាធារណៈ ហេតុអីបានទៅប៉ះពាល់ដល់ក្មេងទៀត? នេះបើស្រុកគេវិញបងគុកមុនព្រឹកហើយ។ ស្ដាប់ហើយឈឺចាប់ ព្រោះធ្លាប់មានអ្នកប៉ះពាល់ដល់កូនស្រីនិងកូនក្នុងផ្ទៃខ្ញុំដែរ តែខាងខ្ញុំរឹងមាំ ទើបមិនក្ដៅនិងសម្ដីពួកអស់ហ្នឹង។ តែនេះជាសម្ដីមនុស្សដែលគ្មានសុជីវធម៌ ស្ដាប់ហើយហួសចិត្ត បងគិតយកមកលេងសើច តិចធ្លាក់លើខ្លួនឯងវិញ»។

ពាក្យសម្តីនេះបានជំរុញឱ្យអ្នកនាង កាកា ក្តៅចិត្តឆេវដោយចោទប្រកាន់ថាកាលពីអតីតកាល សារីណា ធ្លាប់ប្រើពាក្យមិនល្អដាក់កូនរបស់ខ្លួនដូចគ្នាទាំងដែលកូននោះនៅក្នុងពោះនៅឡើយ ប៉ុន្តែដើរតួជាមនុស្សចិត្តល្អនៅលើបណ្តាញសង្គម។ អ្នកបង្កើតមាតិការូបនេះថែមទាំងបញ្ជាក់ពីគម្រោងដាក់ពាក្យបណ្តឹងទៅកាន់ សារីណា ឡាក់គីលុយ។ ក្រោយពីចេញវីដេអូនេះរួច កាកា អូស្ត្រាលី បានចេញវីដេអូមួយទៀតដែលទម្លាយសារឆ្លើយឆ្លងដោយចោទប្រកាន់ថាជាសំឡេងរបស់ភរិយា ស៊ុក សុភា។

កាកា អូស្តា្រលី បានបង្ហាញថាខ្លួនមានជំងឺផ្លូវចិត្តបន្ទាប់ពីកូនទាំងពីររបស់ខ្លួនរងការប្រមាថពី សារីណា ដែលសំឡេងនេះនាងបានឮកាលពីខែឧសភា ឆ្នាំ២០២៤។ នៅក្នុងការទម្លាយរបស់ កាកា មិនត្រឹមតែរឿងកូនប្រុសរបស់ខ្លួនទាំងពីរប៉ុណ្ណោះទេតែសំឡេងឆាតនោះគឺបានរៀបគម្រោងដើម្បីវាយប្រហារទៅកាន់លោក សាន សុភា និងភរិយា ទៀតផងដោយបានបង្កើតគ្រុបប្រមូលយកភស្តុតាងផ្សេងៗ។

ក្រោយរឿងចម្រូងចម្រាសនេះបង្ហោះសារជាសាធារណៈបានធ្វើឱ្យអ្នកលេងបណ្តាញសង្គមមួយចំនួនបង្ហាញការហួសចិត្តយ៉ាងខ្លាំងទៅកាន់ភរិយាស៊ុក សុភា។

ក្រោយមានការចោទប្រកាន់ពីអ្នកបង្កើតមាតិការូបនេះគេបានឃើញអ្នកនាង សារីណា បានបង្ហោះសារខ្លីមួយនៅលើបណ្តាញសង្គមថា «តម្លៃខ្ញុំមិនសមទៅតបនឹងពួកអ្នកឯងទេ សុំចប់!»។ នៅក្នុងសារឆាតទៅលោក អ៊ឹម ជីវ៉ា អ្នកនាង សារីណា ថានាងមិនបានជេរប្រមាថទៅកាន់កូនរបស់ កាកា នោះទេប៉ុន្តែពាក្យសម្តីនោះគឺជាការព្រួយបារម្ភដោយសារតែដឹងពីស្ថានភាពកូនដំបូងរបស់កាកា។ លើសពីនេះរូបនាងក៏ធ្លាប់ឱ្យផ្ទះ កាកា ស្នាក់អាស្រ័យដែរទើបខ្លួនអន់ចិត្តមកដល់សព្វថ្ងៃខណៈនាងមិនចង់តបតនឹងកាកាដែលជាមនុស្សកំពុងមានជំងឺនោះទេ៕