ធ្លាប់ត្រូវគេមើលងា.យ សុភ័ក្រ កុសុម៉ា និង ដេវិដ ពោលពាក្យនេះក្រោយបានកាន់កម្មវិធីក្នុងត្រកូលអភិជន

ធ្លាប់ត្រូវគេសើ.ចចំអកនិងមើលងាយថាកាន់កម្មវិធីធំមិនបាន ចាក់មុខចាក់ក្រោយកុំឱ្យភ្ញៀវយកខ្លួនពេលនេះ សុភ័ក្រ កុសុម៉ា និង ដេវិដ បានសម្រេចចិត្តក្តីស្រមៃធំមួយបន្ទាប់ពីកាន់កម្មវិធីធំក្នុងត្រកូលអភិជនដែលប្រជុំទៅដោយថ្នាក់ដឹកនាំកំពូលៗ។

ប្រិយមិត្តមួយចំនួនជ្រាបមកហើយថាកាលពីកន្លងមកថ្មីៗនេះពិធីមង្គលការកូនកំលោះនាម ទាង ប៉ និងកូនស្រីនាម ឃឹម ដាលីស បានធ្វើឱ្យសាធារណជនចាប់អារម្មណ៍កាន់តែខ្លាំងបន្ទាប់ពីឃើញវត្តមានការសម្តែងរបស់ ទេព បូព្រឹក្ស និង ជី ដេវីត។ ជាការកត់សម្គាល់នៅក្នុងកម្មវិធីដ៏ធំនេះ សុភ័ក្រ កុសុម៉ា និង ដេវិដ គឺមានកិតិ្តយសធំធ្វើជា MC នៅក្នុងកម្មវិធីសិរីសួស្តីនេះ។

ក្រោយពីចប់កម្មវិធីរួច សុភ័ក្រ កុសុម៉ា បានទម្លាយប្រាប់សាធារណជនកន្លងមករូបនាងធ្លាប់ត្រូវគេមើលងាយ ដោយសារចរិតលេងសើចរបស់ខ្លួនកាន់កម្មវិធីធំមិនបាន។ ពិធីការិនីរូបនេះបានសរសេរថា «ទំរាំខ្ញុំដើរមកដល់ចំណុចនេះ ខ្ញុំទទួលបានគេមើលងាយ និងវាយតម្លៃខ្ញុំដោយសារតែចរិតលេងសើចរបស់ខ្ញុំច្រើនគួរសមដែរ។ គេថាកុំយកពួកនឹងក្មេងៗឆ្កួតៗ លេងសើចច្រើនធ្វើផ្លូវការមិនកើតទេ (ភ្ញៀវខ្លះស្រលាញ់ខ្ញុំ និងក្រុមការងារខ្ញុំណាស់ តែត្រូវបានអ្នករៀបចំមួយចំនួនតូចបដិសេធមិនឱ្យយកពួកខ្ញុំជាដាច់ខាត សុខចិត្តចោលលុយកក់)។

សុភ័ក្រ កុសុម៉ា បន្តទៀតថា «ខ្ញុំមិនបានតបតអ្វីនោះទេតែខ្ញុំបែរជាខំវឹកហាត់ពង្រឹងសមត្ថភាពរបស់ខ្ញុំ ព្យាយាមបន្ថែមដឹកនាំយកចិត្តទុកដាក់ពង្រឹងសេវាកម្មក្រុមតន្រ្តីឱ្យកាន់តែមានគុណភាពជាពិសេសទទួលបានទំនុកចិត្តពីអតិថិជនដោយថ្ងៃណាមួយគាត់នឹងបានឃើញពីសមត្ថភាព និងគុណភាពរបស់ខ្ញុំ ។ភាពបរាជ័យគ្មានទេសម្រាប់មនុស្សដែលព្យាយាមខំប្រឹង ហើយទីបំផុតខ្ញុំក៏អាចជម្នះលើមាត់អ្នកដទៃដែលមើលស្រាលខ្ញុំទាំងគេមិនទាំងទាន់ផ្តល់ឱកាសឱ្យខ្ញុំម្តងផង»។

បទពិសោធន៍នេះ សុភ័ក្រ កុសុម៉ា បានផ្ញើសារទៅកាន់អ្នកគាំទ្ររបស់ខ្លួនកុំឱ្យបោះចោលក្តីស្រមៃ កុំខឹងកុំតបតពាក្យសម្តីគេមើលងាយប៉ុន្តែយកពាក្យទាំងនោះមកពង្រឹងសមត្ថភាពខ្លួនឯងវិញទើបមានន័យនិងមានកិត្តិយស។

មិនខុសគ្នាប៉ុន្មាននោះទេក្នុងឱកាសចាប់ដៃគូធ្វើជា MC ជាមួយគ្នារាប់ភ្លេច ទ្រីវ ដេវិដ បានចែករំលែកក្នុងពេលវេលាដ៏រំភើបចំពោះការកាន់កម្មវិធីដ៏ធំនេះ។ ដេវិដ បានសរសេរថា «មិនថាកម្មវិធីធំយ៉ាងណាក៏ដោយ សំខាន់បានធ្វើជាមួយនឹងដៃគូដែលយល់ចិត្ត អត់មានអារម្មណ៍ថាភ័យសូម្បីតែបន្តិច ហើយកក់ក្តៅបំផុត។ ទីបំផុតយើងធ្វើបានហើយ ហើយក៏ដល់ពេលដែលបងប្អូនខ្ញុំឈប់តូចចិត្តនឹងពាក្យដែលគេតែងតែនិយាយថា “កុំយកពួកនឹងចេះតែលេងកំប្លែង កាន់កម្មវិធីផ្លូវការអត់កើតទេ លេងសើចលើឆាក…..” ការងារពិតជាបង្រៀនមនុស្សពិតមែន នៅក្នុងកាលៈទេសៈណាក៏ដោយ មិនកម្មវិធីផ្លូវការឬក៏កម្មវិធីកម្សាន្តនោះទេ បើសិនជាយើងមានសមត្ថភាពពិតមែន ភ្ញៀវនិងមើលឃើញសមត្ថភាពយើងដោយខ្លួនគាត់ផ្ទាល់»៕