មូលហេតុ ដែលទ័ពថៃ កម្ទេចរូបសំណាកលោកតាអ៊ុំនៅច្រកអានសេះ

នៅក្នុងអំឡុងសង្គ្រាមថៃ ឈ្លានពានកម្ពុជា យោធាថៃ បានកម្ទេចឈូសឆាយទាំងស្រុង នៅរូបសំណាកលោកតាអ៊ុំ នៅច្រកអានសេះ។

តាមប្រវត្តិរឿងព្រេងខ្មែរ លោកតាអ៊ុំគឺជាមេទ័ពដ៏ខ្លាំងពូកែម្នាក់នៅសម័យអង្គរ លោកបានដឹកនាំទ័ពសេះជាង២ពាន់នាក់ទៅទិសខាងជើង ដើម្បីទៅបង្រ្កាបទ័ពសៀម។

គ្រានោះ តាអ៊ុំ បានប្រាប់កងទ័ពឱ្យឈប់សម្រាកចំនួន៣ថ្ងៃ ដើម្បីរៀបចំក្បួនសឹកវាយលុក និងទប់ទល់សត្រូវសៀម។

ក្រោយមក លោកតាអ៊ុំ បានវាយកម្ចាត់ចោរឈ្លានពានសៀមចេញពីទឹកដីកម្ពុជា ហើយតំបន់នោះក៏បានត្រូវគេហៅជាច្រកទ្វារអានសេះរហូតមក។

រូបសំណាក់តាអ៊ុំ ត្រូវបានកសាងនៅលើច្រកអានសេះ ដោយយោធាតំបន់សឹករងព្រះវិហារក្បែរមាត់ច្រកទ្វារក្នុងទឹកដីកម្ពុជា។

រូបសំណាកនេះ ត្រូវបានពលរដ្ឋរស់នៅអានសេះ ចាត់ទុកជានិមិត្តរូបនៃភាពអង់អាចក្លាហានរបស់ទ័ពខ្មែរក្នុងការការពារទឹកដី ដែលធ្វើឱ្យទ័ពឈ្លានពានថៃមិនសប្បាយចិត្ត និងមានគំនិតចង់បំផ្លាញ។

លុះដល់ខែកក្កដា ឆ្នាំ២០២៥ រូបសំណាក់តាអ៊ុំ រងការខូចខាតទាំងស្រុង ដោយសារការទម្លាក់គ្រាប់បែកពីសំណាក់ទាហានថៃ៕