នៅល្ងាចថ្ងៃទី២០ ខែមេសា BLISSOO Entertainment ដែលបង្កើតឡើងដោយ Jisoo សមាជិក Blackpink បានចេញសេចក្តីថ្លែងការណ៍ជាផ្លូវការមួយតាមរយៈតំណាងផ្នែកច្បាប់របស់ខ្លួនគឺ Kim & Chang ដោយបញ្ជាក់ថាបុគ្គលដែលមានបញ្ហាកំពុងចរាចរតាមអ៊ីនធឺណិតមិនមានទំនាក់ទំនងជាមួយ Jisoo ឬក្រុមហ៊ុននោះទេ។.png)
ការចេញសេចក្តីថ្លែងការណ៍នេះបានចាប់ផ្តើមនៅពេលដែលព័ត៌មានបានលេចចេញមកថាបុរសម្នាក់អាយុ ៣០ ឆ្នាំ ដែលដាក់ឈ្មោះតំណាង A ត្រូវបានចាប់ខ្លួនពីបទយាយីផ្លូវភេទលើអ្នកផ្សាយបន្តផ្ទាល់ស្រីម្នាក់។ ពេលពាក្យចចាមអារ៉ាមបានរីករាលដាលថាមនុស្សម្នាក់នេះជាបងប្រុសរបស់ Jisoo ខណៈតារាចម្រៀងរូបនេះផ្ទាល់បានប្រឈមនឹងការរិះគន់យ៉ាងខ្លាំង។ ដូច្នេះហើយ ភ្នាក់ងាររបស់ Jisoo ត្រូវចេញសេចក្ដីថ្លែងការណ៍មួយដើម្បីបញ្ជាក់ពីស្ថានភាពនេះ។ 
នៅក្នុងសេចក្តីថ្លែងការណ៍ ក្រុមមេធាវីបាននិយាយថា Jisoo បានរស់នៅដោយឯករាជ្យអស់រយៈពេលជាច្រើនឆ្នាំ ចាប់តាំងពីនាងជាអ្នកហ្វឹកហាត់ក្នុងក្រុមចម្រៀង ហើយមិនមានទំនាក់ទំនង ឬដឹងស៊ីជម្រៅអំពីជីវិតផ្ទាល់ខ្លួនអ្នកមានបញ្ហានេះទេ។ ក្រុមហ៊ុនក៏បានបដិសេធផងដែរថា ក្រុមគ្រួសាររបស់នាងមិនមានជាប់ពាក់ព័ន្ធនឹងការគ្រប់គ្រង ឬដំណើរការ BLISSOO ដែរ។.png)
សេចក្តីថ្លែងការណ៍នេះបានបញ្ជាក់ថា «ខណៈដែលតារាចម្រៀងរូបនេះអាចនឹងទទួលបានដំបូន្មានមានកំណត់មួយចំនួនពីក្រុមគ្រួសារក្នុងដំណាក់កាលដំបូងនៃការបង្កើតក្រុមហ៊ុន គ្មានសមាជិកគ្រួសារណាម្នាក់ទទួលបានប្រាក់បំណាច់ ឬចូលរួមក្នុងការធ្វើការសម្រេចចិត្តឡើយ»។ លិខិតដដែលក៏បានសង្កត់ធ្ងន់ផងដែរថា ក្រុមហ៊ុនតែងតែដំណើរការដោយឯករាជ្យ ដោយគ្មានការជ្រៀតជ្រែកពីក្រុមគ្រួសារឡើយ។
ក្រុមហ៊ុនក៏បានបញ្ជាក់ផងដែរថា ទាំង Jisoo និង BLISSOO មិនបានផ្តល់ការគាំទ្រផ្នែកហិរញ្ញវត្ថុ ឬផ្នែកច្បាប់ណាមួយដល់បុរសដែលកំពុងមានបញ្ហានេះទេ ហើយពួកគេក៏មិនមានគម្រោងធ្វើដូច្នេះនាពេលអនាគតដែរ។ ពួកគេក៏បានបដិសេធយ៉ាងដាច់អហង្ការចំពោះពាក្យចចាមអារ៉ាមថា បុគ្គលនេះគឺជាសហស្ថាបនិក ឬកាន់តំណែងនាយកប្រតិបត្តិនៅក្នុងក្រុមហ៊ុន។ លើសពីនេះ ក្រុមហ៊ុនបានសម្តែងការព្រួយបារម្ភយ៉ាងខ្លាំងអំពីការរីករាលដាលនៃព័ត៌មានដែលមិនទាន់បានផ្ទៀងផ្ទាត់ និងមិនពិតដោយបញ្ជាក់ថាសកម្មភាពបែបនេះបានរំលោភលើសិទ្ធិនិងកេរ្តិ៍ឈ្មោះរបស់សិល្បករ។
តំណាងផ្នែកច្បាប់របស់ Jisoo បានព្រមានថាពួកគេនឹងចាត់វិធានការផ្លូវច្បាប់រដ្ឋប្បវេណី និងព្រហ្មទណ្ឌយ៉ាងតឹងរ៉ឹងប្រឆាំងនឹងបុគ្គលដែលបង្កើត ឬផ្សព្វផ្សាយខ្លឹមសារដែលមានគំនិតអាក្រក់ រួមទាំងការបរិហារកេរ្តិ៍ ការប្រើប្រាស់ឈ្មោះ/រូបភាពរបស់សិល្បករដោយគ្មានការអនុញ្ញាត និងការបង្ហោះព័ត៌មានស្មានដែលមិនបានផ្ទៀងផ្ទាត់។ សេចក្តីថ្លែងការណ៍នេះបញ្ចប់ដោយជំហររឹងមាំថា នឹងមិនមានការអត់ឱន ឬការសម្របសម្រួលចំពោះអ្នកដែលផ្សព្វផ្សាយព័ត៌មានមិនពិតដោយចេតនា ឬម្តងហើយម្តងទៀតនោះទេ៕
