Jungkook ចេញសូមទោសទាក់ទងនឹងភាពចម្រូងចម្រាសប្រើសម្តីមិនសមរម្យនិងស្រ.វឹង

នៅថ្ងៃទី៨ ខែមេសា Jungkook សមាជិកក្រុម BTS បានផ្សាយផ្ទាល់នៅលើវេទិកា Weverse ហើយបានចំណាយពេលដើម្បីជជែកកម្សាន្តដោយស្មោះត្រង់ជាមួយអ្នកគាំទ្ររបស់ខ្លួន។អំឡុងពេលនៃការផ្សាយ Jungkook បានលើកឡើងពីការផ្សាយផ្ទាល់កាលពីខែកុម្ភៈ ដែលបង្កឱ្យមានភាពចម្រូងចម្រាស ពីព្រោះលោកហាក់ដូចជាស្រវឹង និងប្រើពាក្យអសុរោះ។

តារាចម្រៀងរូបនេះបានចែករំលែកថា «ខ្ញុំចង់សូមទោសដល់ ARMY «ចំពោះការផ្សាយផ្ទាល់ថ្មីៗនេះ។ ខ្ញុំមិនប្រាកដថាអ្វីដែលខ្ញុំបានធ្វើនោះខុសទេ ប៉ុន្តែដោយសារខ្ញុំមិនដែលបង្ហាញផ្នែកនោះរបស់ខ្លួនឯងពីមុនមក វាអាចធ្វើឱ្យអ្នកគាំទ្រមួយចំនួនមិនស្រួលចិត្ត។
Jungkook បានបន្ថែមថា «ប្រសិនបើ ARMY ណាម្នាក់មានអារម្មណ៍អាក់អន់ចិត្ត ខ្ញុំសូមអភ័យទោស។ ខ្ញុំនឹងប្រុងប្រយ័ត្នជាងមុន។ នៅថ្ងៃនោះ ខ្ញុំប្រហែលជាមានអារម្មណ៍សប្បាយចិត្តខ្លាំងណាស់»។

យ៉ាងណាក៏ដោយ Jungkook ក៏បានសម្តែងមតិរបស់លោកដោយស្មោះត្រង់ផងដែរថា «ផ្ទាល់ខ្លួនខ្ញុំមិនគិតថាវាជាកំហុសធ្ងន់ធ្ងរនោះទេ។ នេះជាអ្វីដែលមនុស្សជាច្រើននៅក្នុងឧស្សាហកម្មនេះតែងតែធ្វើ»។ លោកបាននិយាយថា ការសូមទោសនេះគឺចេញពីការពិចារណាចំពោះអារម្មណ៍របស់អ្នកគាំទ្រ មិនមែនដោយសារតែលោកជឿថាសកម្មភាពរបស់លោកខុសទាំងស្រុងនោះទេ។
Jungkook បានសង្កត់ធ្ងន់លើភាពស្មោះត្រង់ចំពោះអ្នកគាំទ្ររបស់ខ្លួនថា «អ្នកដែលយល់ពីរបៀបដែលខ្ញុំប្រព្រឹត្តចំពោះ ARMY នឹងយល់។ ខ្ញុំតែងតែស្មោះត្រង់ ហើយចង់ធ្វើអ្វីដែលល្អបំផុតសម្រាប់អ្នក»។ តារាចម្រៀងរូបនេះក៏បានទទួលស្គាល់ថាខ្លួនមិនល្អឥតខ្ចោះទេ។ Jungkook បាននិយាយថា«ខ្ញុំមិនអាចនិយាយថាខ្ញុំល្អឥតខ្ចោះ ឬតែងតែត្រឹមត្រូវនោះទេ ប៉ុន្តែប្រសិនបើមានអ្វីមួយហួសពីដែនកំណត់របស់ខ្ញុំ ខ្ញុំនឹងព្យាយាមគិតគូរពីមតិយោបល់»។

សេចក្តីថ្លែងការណ៍របស់ Jungkook ក្រោយមកបានបង្កឱ្យមានប្រតិកម្មចម្រុះ ដោយអ្នកខ្លះកោតសរសើរចំពោះភាពស្មោះត្រង់របស់លោកខណៈពេលដែលអ្នកផ្សេងទៀតនៅតែបន្តជជែកវែកញែកអំពីបញ្ហានេះ៕