លេចវត្តមានពស់ចេះហោះនៅខេត្តបាត់ដំបង

កម្ពុជា បានរកឃើញ​ប្រភេទសត្វថ្មីៗ​ និងកម្រជាច្រើន​រស់នៅក្នុងតំបន់ភ្នំថ្មកំបោរ​ នៃខេត្តបាត់ដំបង។

អង្គការសត្វព្រៃ និងរុក្ខជាតិ ​សហការជាមួយក្រសួងបរិស្ថាន ​និង​អ្នកជំនាញប្រព័ន្ធចំណែកថ្នាក់ បានរកឃើញសត្វជាច្រើនដែលជាប្រភេទថ្មីសម្រាប់វិទ្យាសាស្ត្រ ​ដោយក្នុងនោះមានតុកកែថ្មីចំនួន ៣ប្រភេទ, ខ្យង២ ប្រភេទ និងម្រើមព្រះ ២ ប្រភេទ។

ក្រៅពីសត្វ៣ប្រភេទនេះ កម្ពុជា ក៏បានរកឃើញពស់ Pit Viper ដែលជាពស់មួយដែលមានពិសជាងគេបំផុតនៅលើពិភពលោក និងពស់ចេះហោះផងដែរ នេះបើយោងតាមការចេញផ្សាយរបស់​សារព័ត៌មានCNN។

តែយ៉ាងណាមិញ ការរកឃើញពស់ចេះហោះនៅខេត្តបាត់ដំបងនេះ មិនទាន់មានការបញ្ជាក់ច្បាស់លាស់ណាមួយពីក្រសួងបរិស្ថានកម្ពុជានៅឡើយនោះទេ។

​សូមបញ្ជាក់ថា គិតមកទល់ពេលនេះ មានតែ១៦ប្រទេសប៉ុណ្ណោះ ដែលរកឃើញវត្តមានពស់ចេះហោះ ដែលភាគច្រើនមាននៅក្នុងប្រទេសតំបន់អាសុីអាគ្នេយ៍ និងប្រទេសចិន៕