លោក ហេង ប៊ុនលាភ និង មាលាធ្វើឱ្យហ្វេនៗចាប់អារម្មណ៍ក្រោយមានឱកាសរួមការងារជាមួយគ្នា

ការប្រាស្រ័យទាក់ទងរវាងលោក ហេង ប៊ុនលាភ និងតារាម៉ូដែល មាលា បានធ្វើឱ្យហ្វេនៗមានការចាប់អារម្មណ៍យ៉ាងខ្លាំងក្រោយពីលោក ហេងប៊ុនលាភ បញ្ចេញសកម្មភាពមិនឱ្យសិស្សប្អូនមានអារម្មណ៍ថាពិបាកឬមិនហ៊ានលេងសើចជាមួយនឹងរៀមច្បងឡើយ។

ថ្មីៗនេះលោក ហេង ប៊ុនលាភ តារាសម្តែងដ៏ពេញនិយមនិងនៅតែស្រស់សង្ហាបានបង្ហោះវីដេអូមួយនៅលើគណនីទិកតុកដោយឱ្យមាលា ដែលជាកូនខ្មែរកាត់បារាំងនិយាយភាសាខ្មែរឱ្យច្បាស់។ ក្នុងវីដេអូនោះអ្នកទាំងពីរកំពុងតែថតអ្វីមួយជាមួយគ្នាដែលទំនងជាខ្សែភាពយន្តថ្មីដោយក្នុងនោះលោក ហេង ប៊ុនលាភ បានគំរាមមាលាក្នុងន័យលេងសើចឱ្យនិយាយមកកាន់ទស្សនិកជនឱ្យច្បាស់។លោកក៏បានសួរនាំ មាលា ផ្សេងៗចង់ឱ្យថតចប់នៅម៉ោងប៉ុន្មានជាដើម។

វីដេអូនេះដែរ ទស្សនិកជនបានឃើញថា មាលានិយាយភាសាខ្មែរបានច្រើនជាងមុននិងពាក្យពេចន៍ច្បាស់ជាងមុន។ក្រោយពីវីដេអូនេះបង្ហោះនៅលើអ៊ីនធឺណិតទស្សនិកជនមានការចាប់អារម្មណ៍ថាតារាសម្តែង ហេង ប៊ុនលាភមានទំនាក់ទំនងល្អជាមួយនឹងសិស្សប្អូន ផ្តល់ភាពសិ្នទ្ធស្នាលមិនឱ្យសិស្សប្អូនមានអារម្មណ៍ថាពិបាកចុះសម្រុងឡើយ។ក្រៅពីនេះទស្សនិកជនបានសរសើរភាពស្រស់សង្ហារបស់លោក ហេង ប៊ុនលាភ ទោះបីជាអាយុកើនឡើងយ៉ាងណារូបលោកនៅតែរក្សាភាពស្រស់សង្ហារបស់ខ្លួនមិនចាញ់ពេលនៅកំលោះនោះទេ។

មាលាជាតារាម៉ូដែលមួយរូបដែលមានអាជីពសិល្បៈលូតលាស់បានលឿនដោយបង្ហាញសកម្មភាពចម្រុះជាច្រើនទាំងការថតខ្សែភាពយន្តMV ការផ្សាយពាណិជ្ជកម្ម ការដើរបង្ហាញម៉ូតនៅក្រៅប្រទេស។ ភាពស្រស់ស្អាតមានមន្តស្នេហ៍របស់នាងបានទាក់ទាញមានអ្នកគាំទ្រជាច្រើនទាំងនៅក្នុងស្រុកនិងក្រៅស្រុក៕