ក្រុមហ៊ុនប្រេងរបស់សហរដ្ឋអាមេរិក Chevron កាន់តែជិតឈានដល់កិច្ចព្រមព្រៀង លក់ទ្រព្យសម្បត្តិប្រេងរបស់ខ្លួននៅក្នុងតំបន់អាសុី ទៅឱ្យក្រុមហ៊ុនប្រេងជប៉ុន Eneos និងក្រុមហ៊ុនស្វ៉ីស Glencore។.png)
Chevron មានគោលដៅចម្បងលក់ភាគហ៊ុន៥០ភាគរយ នៅក្នុងក្រុមហ៊ុនចម្រាញ់ប្រេង SRC រួមជាមួយមូលដ្ឋានស្តុកប្រេង និងស្ថានីយប្រេងឥន្ធនៈ នៅប្រទេសសិង្ហបុរី។
បន្ថែមពីនេះ នៅក្នុងកិច្ចព្រមព្រៀងលក់ ក្រុមហ៊ុនChevron ក៏បានរាប់បញ្ចូល ស្ថានីយប្រេងឥន្ធនៈនៅកម្ពុជា និងម៉ាឡេសុី ដែលមានតម្លៃប្រមាណ១ពាន់លានដុល្លារផងដែរ។
ការប្រកាស់លក់ខាងលើ គឺជាផ្នែកមួយនៃផែនការរបស់ក្រុមហ៊ុន Chevron ក្នុងការកាត់បន្ថយការវិនិយោគលើទ្រព្យសម្បតិ្តប្រេង នៅក្នុងតំបន់អាសុី។
គួរបញ្ជាក់ថា ស្ថានីយប្រេងឥន្ធនៈ Caltex បានចូលក្នុងទីផ្សារកម្ពុជាជាលើកដំបូងនៅឆ្នាំ១៩៩៦ ដែលមកទល់ពេលនេះមាន៥៣ទីតាំងនៅទូទាំងប្រទេសកម្ពុជា៕
