នៅលើបណ្តាញសង្គមនាពេលថ្មីៗនេះជុំវិញរឿងគ្រួសាររបស់ម៉ាក់អូនភ្លោះដែលជាអ្នកប្រម៉ូតផលអនឡាញរបស់ ស្រីណៃ បានធ្វើឱ្យសាធារណជនមានការចាប់អារម្មណ៍គួរឱ្យកត់សម្គាល់ខណៈដែលខាងប្រុសបានចេញបកស្រាយថាគ្រាន់តែទៅខារ៉ាអូខេឱបស្រី ប៉ុន្តែមិនបានលួចក្បត់មានស្រីនោះទេ។ ជុំវិញទំនាក់ទំនងគ្រួសារផ្អើលអស់សហគមន៍អនឡាញនេះ ផាន់ណៃ ដែលជាមេរបស់ ម៉ាក់អូនភ្លោះ បានចេញវីដេអូនិយាយថាកុំមើលមនុស្សតែសំបកក្រៅ។
នៅល្ងាចថ្ងៃទី១២ ខែមករា អ្នកលក់អនឡាញល្បីឈ្មោះ ស្រីណៃ បានចេញវីដេអូនិយាយថា សង្គមមួយនេះបានបង្រៀនឱ្យមនុស្សកុំមើលតែសំបកក្រៅ។ ម្ចាស់ប្រ៊េនរូបនេះបន្តថា អ្នកមួយចំនួននៅពេលឃើញ ស្រីលីន ចាប់ផ្តើមល្បីមានមនុស្សមិនតិចទេគិតថា ស្រីលីន ស្អាតអាចនឹងធ្វើរឿងបែបនេះ បែបនោះ ក្បត់ប្តីមានចិត្តសាវ៉ា ភ្លេចប្តីជាដើម។ ស្រីណៃ ថាការគិតទាំងនេះមិនអាចអ្វីនៅក្នុងជីវិតពិតនោះទេដោយបន្តអះអាងថាកូនចៅរបស់ខ្លួនជាមនុស្សដែលស្រលាញ់កូន ស្រលាញ់គ្រួសារ ស្រលាញ់ប្តីណាស់ មិនដែលចេះរញ៉េរញៃទៅក្រៅសូម្បីតែម្តង។
ស្រីណៃ បន្តអះអាងពីភាពបរិសុទ្ធរបស់ ម៉ាក់អូនភ្លោះ ថាជាមនុស្សនៅតែផ្ទះខិតខំធ្វើការផលិតវីដេអូ បើកប្រាក់ខែហើយទៅស្រុក។ ផ្ទុយមកវិញគឺមានភាពខុសស្រឡះដូចអ្វីដែលសាធារណជនបានដឹងនៅពេលនេះ ដូច្នេះសុំកុំមើលមនុស្សតែសំបកក្រៅ។
ភាពរកាំរកូសក្នុងគ្រួសាររបស់អ្នកប្រម៉ូតផលិតផលខាងលើនេះកើតឡើងក្រោយពីមានការចោទប្រកាន់ថាប្តីរបស់ខ្លួនលួចលាក់មានស្រីថ្មី។ បន្ទាប់ពីមានការលើកឡើងបែបនេះខាងប្រុសបានចេញមុខបកស្រាយថារូបគេពុំបានក្បត់ចិត្តលួចមានស្រីនោះទេគ្រាន់តែទៅខារ៉ាអូខេឱបស្រីដូចអ្នកដទៃតែប៉ុណ្ណោះ។ ការបកស្រាយបែបនេះបានធ្វើឱ្យមហាជនរិះគន់មិនសំចៃទៅកាន់បុរសដែលជាប្តីរបស់ម៉ាក់អូនភ្លោះ។
បន្ទាប់ពីភាពចម្រូងចម្រាសនេះបានកើតឡើងកូនចៅរបស់ ស្រីណៃ បានត្រឹមតែនិយាយថាទុកឱ្យពេលវេលាជាអ្នកដោះស្រាយ៕
