(ភ្នំពេញ)៖ អភិបាលរាជធានីភ្នំពេញ បានដាក់ចេញជាផែនការជាទ្រង់ទ្រាយធំមួយ ក្នុងការបង្ក្រាបការឆបោ.ក តាមប្រព័ន្ធបច្ចេកវិទ្យា (ONLINE SCAMS) ដោយកំណត់លើទីតាំងច្បាស់លាស់ ហើយផ្តើមការត្រួតពិនិត្យទីតាំងនោះ និងនៅតាមទីតាំងរស់នៅប្រមូលផ្តុំ ដែលមានការសង្ស័យទាំងតូចនិងធំ ដើម្បីឈានទៅដល់ការបង្ក្រាបជាក់ស្តែងបើសិនមានបទល្មើស។
យោងតាមរដ្ឋបាលរាជធានីភ្នំពេញ នៅថ្ងៃទី ១២ មករា លោក ឃួង ស្រេង អភិបាលរាជធានីភ្នំពេញ និងជាប្រធានគណៈបញ្ជាការឯកភាពរាជធានីភ្នំពេញ បានជួបប្រជុំជាមួយកម្លាំងមានសមត្ថកិច្ច ដែលជាអាជ្ញាធរខណ្ឌទាំង១៤ និងមន្ទីរពាក់ព័ន្ធមួយចំនួននៅសាលារាជធានីភ្នំពេញ ដើម្បីតាមដានវឌ្ឍនភាពការងារគ្រប់គ្រងសន្តិសុខ សុវត្ថិភាព សណ្ដាប់ធ្នាប់តាមទីតាំងរស់នៅប្រមូលផ្ដុំ និងទីតាំងសង្ស័យមានបទល្មេីសឆបោ.កតាមប្រព័ន្ធបច្ចេកវិទ្យាក្នុងភូមិសាស្រ្តរាជធានីភ្នំពេញ។
តាមរយៈកិច្ចប្រជុំខាងលើ លោក ឃួង ស្រេង បានចេញបញ្ជាយ៉ាងម៉ឺងម៉ាត់ដល់មន្ត្រីពាក់ព័ន្ធ ត្រូវតែកំណត់យកទីតាំងច្បាស់លាស់មួយ ហើយផ្តើមការត្រួតពិនិត្យ ទីតាំងខុនដូ និង នៅតាមទីតាំងរស់នៅប្រមូលផ្តុំដែលមានការសង្ស័យទាំងតូច និងធំ ដើម្បីឈានទៅដល់ការបង្ក្រាបជាក់ស្តែង បើសិនរកឃើញថាមានជាប់ពាក់ព័ន្ធ ONLINE SCAMS។
តាមប្រសាសន៍របស់លោក ការប្រយុទ្ធប្រឆាំងការឆបោ.កតាមប្រព័ន្ធបច្ចេកវិទ្យា (ONLINE SCAMS) វាជារឿងសំខាន់ ដែលរាជរដ្ឋាភិបាលបាននិងកំពុងយកចិត្តទុកដាក់ ហើយការងារនេះ កងកម្លាំងសមត្ថកិច្ចរបស់យើងរួមសហការជាមួយគណៈបញ្ជាការឯកភាពរដ្ឋបាលខណ្ឌទាំង១៤ បានបំពេញការងាររបស់ខ្លួនបានល្អប្រសើរ ហើយកន្លងមករហូតបង្ក្រាបបានជាបន្តបន្ទាប់ទាំង ONLINE SCAMS និងការចា.ប់ជំ.រិតជាដើម។.jpg)
បន្ថែមលើនោះ អភិបាលរាជធានីភ្នំពេញបានគូសបញ្ជាក់ផងដែរថា ក្រៅពីបង្ក្រាប ONLINE SCAMS ហើយ ល្បែងស៊ីសងគ្រប់ប្រភេទ ដូចជាជល់មាន់ បៀរ អាប៉ោង កន្ទុយលេខ ឆ្នោតឡូតូ ជាដើម គឺត្រូវតែបង្ក្រាប់ឱ្យអស់ ព្រោះវាប៉ះពាល់ផ្ទាល់នឹងជីវភាពប្រចាំថ្ងៃរបស់ប្រជាពលរដ្ឋ។ ចំពោះការងារការពារសន្តិសុខសុវត្ថិភាពនិងសណ្ដាប់សាធារណៈ ក៏ត្រូវតែយកចិត្តទុកដាក់ឱ្យបានខ្ពស់ជូនប្រជាពលរដ្ឋក្នុងមូលដ្ឋានខណ្ឌទាំង១៤ផងដែរ៕.jpg)
