រូបភាពរបស់វិរកងទ័ព បេ សុផាត ឈរជើងជួរមុខនៅប្រាសាទព្រះវិហាររងរបួសដោយសារតែអំបែងគ្រាប់របស់ថៃបាត់បង់កែវភ្នែកខាងឆ្វេង និង កំពុងសង្គ្រោះកែវភ្នែកខាងស្តាំបានធ្វើឱ្យមហាជនអាណិតខ្លោចចិត្តយ៉ាងខ្លាំង។ ឃើញរូបភាពនេះហើយ អ្នកនាង ចន ច័ន្ទលក្ខណា បានសម្រេចចិត្តស្វែងរកជំនួយជួយដល់គ្រួសារវីរកងទ័ពរូបនេះដើម្បីសម្រាលបន្ទុកគ្រួសារ។ ងាកមកកាន់តារាសម្តែង សេង មង្គល វិញបានសម្តែងការដឹងគុណយ៉ាងជ្រាលជៅនូវការលះបង់មួយនេះ។.png)
ព្រិនបាលឯក បេ សុផាត ឈរជើងជួរមុខទិសទី១ ប្រាសាទព្រះវិហារ បានរងរបួសដោយសារអំបែងគ្រាប់ត្រូវភ្នែកទាំងសង្ខាងធ្ងន់ធ្ងរកាលពីថ្ងៃទី៨ ខែធ្នូ ឆ្នាំ២០២៥ ទាំងខ្លួនកំពុងស្ថិតនៅលេណដ្ឋាន។ បច្ចុប្បន្នព្រិនបាលឯក បេ សុផាត កំពុងសម្រាកព្យាលបាលនៅមន្ទីរពេទ្យព្រះអង្គដួងក្រោមការយកចិត្តទុកដាក់បំផុតពីគ្រូពេទ្យជំនាញ និងការមើលថែពីភរិយា រួមទាំងការផ្តល់កម្លាំងពីមហាជនខ្មែរទូទាំងប្រទេស។
ឃើញសភាពរងរបួសរបស់វីរកងទ័ព បេ សុផាត ហើយធ្វើឱ្យមហាជនអាណិតនិងខ្លោចផ្សាយ៉ាងខ្លាំង។ ក្នុងនោះអ្នកនាង ចន ច័ន្ទលក្ខណា ដែលជាអតីតប្រធានសមាគមសិល្បករបានសម្រេចចិត្តស្វែងរកជំនួយដើម្បីជួយសម្រួលបន្ទុកគ្រួសារ។ កាលពីល្ងាចថ្ងៃទី១៧ ធ្នូ អ្នកនាង ច័ន្ទលក្ខណា បានបង្ហោះថា «ដោយសារប្អូនប្រុសបានបាត់បង់កែវភ្នែកខាងឆ្វេង និង កំពុងសង្គ្រោះកែងភ្នែកខាងស្តាំក្នុងភ្លើងសង្គ្រាម នាងខ្ញុំក៏សម្រេចចិត្តស្វែងរកជំនួយជួយដល់គាត់ដើម្បីសម្រាលជីវភាពរបស់គាត់តទៅអនាគត»។ ឃើញសភាពរបស់ វីរកងទ័ព បេ សុផាត ហើយអ្នកនាង ចន ច័ន្ទលក្ខណា ថាខ្លួនរំជួលចិត្តខ្លាំងណាស់ តែខំប្រឹងទប់ដើម្បីជាភាពរឹងមាំក្នុងការលើកទឹកចិត្តវីរកងទ័ពនិងភរិយារបស់គាត់ដែលកំពុងមានជំងឺបាក់ទឹកចិត្ត។
នៅយប់ថ្ងៃទី១៧ ខែធ្នូ បន្ទាប់ពីប្រកាសស្វែងរកជំនួយបានប៉ុន្មានម៉ោងអ្នកនាង ចន ច័ន្ទលក្ខណា រូតរះទៅសួរសុខទុក្ខនៅមន្ទីរពេទ្យអង្គឌួងដោយផ្ទាល់ដោយនាំយកថវិការចំនួន ៤០០០ដុល្លារពីបងប្អូនសប្បុរជនមកជូនវីរកងទ័ព បេ សុផាត។ 
មិនខុសពីមហាជននោះទេដែលមានការអាណិតអាសូរដល់ព្រិនបាលឯក បេ សុផាត ឈរជើងនៅប្រាសាទព្រះវិហារ របួសធ្ងន់ធ្ងរដោយសារចោរសៀមឈ្លានពានតារាសម្តែង សេង មង្គល ក៏បង្ហាញការដឹងគុណដោយពោលពាក្យថា «សូមក្រាបក្បាលដល់ដីសំពះអរគុណនូវការលះបង់ដែលមិនអាចកាត់ថ្លៃបានរបស់បងៗវីរកងទ័ព»។.png)
គួរបញ្ជាក់ផងដែរថា កាលពីសង្គ្រាមលើកទី១ ព្រិនបាលឯក បេ សុផាត និង ភរិយា គឺត្រូវរងនូវផ្សែងពុលរបស់ថៃទាំងពីរនាក់ ខណៈលើកនេះព្រិនបាលឯករងរបួសធ្ងន់ពីការពិការភ្នែកម្ខាងនិងម្ខាងទៀតក៏កំពុងស្ថិតក្នុងហានិភ័យ៕
