កញ្ញា គឹម ឌីណា ដែលជាម្ចាស់ស្នាដៃ «មនុស្សបាក់ទឹកចិត្ត» បានលើកឡើង៦ចំណុចដែលធ្វើឱ្យថៃសេដដែលមានឱកាសខ្ពស់ក្នុងការឈ្នះប្រទេសឈ្លានពាននេះចំណែកយុទ្ធសាស្រ្តអ្នកនិពន្ធរូបនេះបង្ហាញការជឿជាក់លើថ្នាក់ដឹកនាំ។ កញ្ញា ឌីណា ថាថៃចង់ឱ្យខ្មែរមានវិបត្តិផ្លូវចិត្តប៉ុន្តែរឿងលើកនេះធ្វើឱ្យខ្មែរកាន់តែរួបរួម ជួយគ្នា និងអភិវឌ្ឍខ្លួន ដើម្បីកសាងប្រទេសឱ្យខ្លាំងក្លា។
នៅថ្ងៃទី១៦ ខែធ្នូ អ្នកនិពន្ធ គឹម ឌីណា បានបង្ហោះសំណេរនៅលើបណ្តាញសង្គមហ្វេកប៊ុកថា «វិធីងាយៗ ធ្វើឱ្យសៀម sad ៖ ១. ខ្មែរបន្តសាមគ្គីគ្នា តាមរយៈរូបភាពផ្សេងៗ ដូចជា បរិច្ចាគទៅកាន់ទាហានជួរមុខ ឬជនភៀសសឹក។២. បន្តប្រើប្រាស់ផលិតផលខ្មែរ (តែសូមអ្នកផលិតគិតពីគុណភាពផង) ៣. ខ្មែរដែលមិនភៀសសឹក នៅបន្តធ្វើការងារ ដើម្បីឱ្យសេដ្ឋកិច្ចជាតិដើរ ៤. ខ្មែរមិនបង្ហោះរូបភាព ឬវីដេអូ ដែលនាំឱ្យសៀមដឹងពីមូលដ្ឋានយោធា ឬទីតាំងជនភៀសសឹក៥. ខ្មែរអត់ជឿខ្មាំង ឬចោរ ដែលកំពុងព្យាយាមអុជអាលខ្មែរគ្នាឯងឱ្យឈ្លោះគ្នា ៦. ខ្មែរនៅតែបន្តតាមដានព័ត៌មានផ្លូវការរបស់រដ្ឋាភិបាល ហើយមិនចែកចាយព័ត៌មានក្លែងក្លាយ»។
អ្នកនិពន្ធរូបនេះ លើកឡើងថាបើខ្មែរធ្វើបានដូចខាងលើមែនឱកាសឈ្នះខ្ពស់។ចំណែកឯយុទ្ធសាស្រ្តវិញ ក្នុងនាមជាប្រជាជនខ្មែរកញ្ញា គឹម ឌីណា បង្ហាញការទុកចិត្តលើរដ្ឋាភិបាល និងថ្នាក់ដឹកនាំរបស់យើង។ កញ្ញា ថាសៀមចង់ឱ្យខ្មែរ truama ឬមានវិបត្តិផ្លូវចិត្តតែរឿងលើកនេះ ធ្វើឱ្យខ្មែរកាន់តែរួបរួម ជួយគ្នា និងអភិវឌ្ឍខ្លួន ដើម្បីកសាងប្រទេសឱ្យខ្លាំងក្លា។ កញ្ញា គឹម ឌីណា សង្កត់ធ្ងន់ថា «កាន់តែឈឺចាប់ កាន់តែត្រូវរឹងមាំ កាន់តែត្រូវតស៊ូ»។.png)
គួរបញ្ជាក់ផងដែរថាគិតត្រឹមថ្ងៃទី១៦ ខែធ្នូ គឺមានរយៈពេល១០ថ្ងៃ ហើយនៃការឈ្លានពានរបស់ថៃ ខណៈគិតត្រឹមម៉ោងជាង១២រសៀលមានជនភៀសសឹកមានចំនួន ១២៧ ៤៦៩ គ្រួសារស្មើនឹង ៤២៥ ៤៥៣ នាក់ ក្នុងនោះស្ត្រីចំនួន ២១៩ ០៥២ នាក់ និងកុមារចំនួន ១៣១ ២៧០ នាក់៕
