តារាចម្រៀង ទេព បូព្រឹក្ស បានបង្ហោះវីដេអូជាមួយនឹងលោកជំទាវ យឹម ឆៃលីន អមដោយបទចម្រៀង «ស្រ្តីម្នាក់» ធ្វើឱ្យមានការចាប់អារម្មណ៍យ៉ាងខ្លាំងពីទស្សនិកជន។ លើសពីនេះទៅទៀតនៅពេល បូព្រឹក្ស ឈរទន្ទឹមនឹងលោកជំទាវបានធ្វើឱ្យអ្នកគាំទ្រកាន់តែច្បាស់ថាលោកជំទាវ យឹម ឆៃលីន ពិតជាស្រស់ស្អាតក្មេងជាងវ័យ សម្រស់អ្នកទាំងពីរពិតជាស្រស់ស្អាតដូចគ្នា។
កាលពីយប់ថ្ងៃទី២៧ ខែវិច្ឆិកា ឆ្នាំ២០២៥ តារាចម្រៀង ជី ដេវីត និង ទេព បូព្រឹក្ស បានចូលរួមក្នុងពិធីអាវាហ៍វិវាហ៍មង្គលរបស់ព្រះអង្គម្ចាស់ក្សត្រិយ៍ នរោត្តម ពង្ស់សូរិយា និងលោក អ៊ឹង ស៊ីវឈន់។ ការចូលរួមកម្មវិធីមង្គលសែរាជវង្សតារាចម្រៀង ទេព បូព្រឹក្ស បានតុបតែងខ្លួនយ៉ាងស្រស់ស្អាតក្នុងរ៉ូបរាត្រីស្រមោលសរពណ៌លឿងដែលជាពណ៌សំណព្វចិត្តរបស់តារាចម្រៀងរូបនេះ។ 
ក្នុងឱកាសនេះទៀតសោត ទេព បូព្រឹក្ស ក៏បានជួបជាមួយនឹងរាជនីសម្រស់លោកជំទាវ យឹម ឆៃលីន ដោយតារាចម្រៀងរូបនេះបានបង្ហោះវីដេអូជាមួយនឹងលោកជំទាវអមដោយបទចម្រៀង «ស្រ្តីម្នាក់» ហាក់ឆ្លុះបញ្ចាំងពីភាពរឹងមាំរបស់លោកជំទាវ យឹម ឆៃលីន។ វីដេអូរបស់ ទេព បូព្រឹក្ស និងលោកជំទាវ យឹម ឆៃលីន បានធ្វើឱ្យមានការចាប់អារម្មណ៍យ៉ាងខ្លាំងពីសំណាកហ្វេនៗដោយមានមតិសរសើរជាច្រើនថាអ្នកទាំងពីរពិតជាស្រស់ស្អាត។ ចំណែកឯលោកជំទាវ យឹម ឆៃលីន វិញដ្បិតមានអាយុលើសតារាចម្រៀង ទេព បូព្រឹក្ស ក្តីប៉ុន្តែសម្រស់អ្នកទាំងពីរស្រស់ស្អាតមិនចាញ់គ្នានោះទេ។ កាលពីពេល ជី ដេវីត និង ទេព បូព្រឹក្ស រៀបការលោកជំទាវ យឹម ឆៃលីន បានអញ្ជើញចូលរួមទាំងពិធីពេលព្រឹកនិងល្ងាចផងដែរ។
គួរបញ្ជាក់ផងដែរថា ដ្បិតលោកជំទាវ យឹម ឆៃលីន មានកូនប្រុសស្រីចំនួន៣នាក់ក្តីប៉ុន្តែសម្រស់របស់លោកជំទាវនៅតែស្រស់ស្អាតនិងក្មេងជាងវ័យរហូតមតិមួយចំនួនបានសរសើរថាលោកជំទាវជារាជនីសម្រស់ទៀតផង។ នៅពេលចូលរួមកម្មវិធីនីមួយៗលោកជំទាវ យឹម ឆៃលីន តែងខ្លួនស័ក្តិសមឥតទាស់ទាំងទម្រង់បុរាណនិងសម័យ៕
