ឈ្មោះ Bai Jingting ត្រូវជាប់នឹងពាក្យចចាមអារ៉ាមធ្វើបា.បបុគ្គលិកផ្នែកលក់

យោងតាមប្រព័ន្ធផ្សព្វផ្សាយចិនពាក្យចចាមអារ៉ាមអំពី Bai Jingting បានរីករាលដាលនៅលើ Weibo បន្ទាប់ពីការបង្ហោះមួយបានចោទប្រកាន់តារាប្រុសដ៏ល្បីឈ្មោះដែលមានតួអក្សរបី ដែលជាទូតរបស់ Louis Vuitton ថាមានភាពរួសរាយរាក់ទាក់ជាមួយបុគ្គលិកផ្នែកលក់នៅពេលថតរូប ប៉ុន្តែភ្លាមៗនោះបានងាកមកដាក់ពាក្យបណ្តឹងទៅកាន់ការិយាល័យកណ្តាលរបស់យីហោនេះ។

ប្រភពពីសារព័ត៌មាន sinchew បានឱ្យដឹងថាពាក្យបណ្តឹងនេះនាំឱ្យមានការចាត់វិធានការលើបុគ្គលិកទាំងអស់ដែលធ្វើការនៅថ្ងៃនោះ។ ព័ត៌មាននេះបានធ្វើឱ្យមជ្ឈដ្ឋានអនឡាញមានការសង្ស័យអំពីអត្តសញ្ញាណរបស់សិល្បករ។ ដំបូងឡើយ តារាប្រុសទាំងអស់ដែលមានឈ្មោះបីតួ និងជាទូតសុឆ្ឆន្ទៈម៉ាក LV ត្រូវបានអូសទាញចូលទៅក្នុងការពិភាក្សាដូចជា Zhu Yilong, Jackson Wang, Dylan Wang និង Bai Jingting ។

ទោះជាយ៉ាងណាក៏ដោយ ស្ថានភាពបានផ្លាស់ប្តូរនៅពេលដែលអ្នកបង្ហោះបានឆ្លើយតបទៅនឹងការអត្ថាធិប្បាយ និងលុបឈ្មោះនីមួយៗ។ បុគ្គលនោះបានបញ្ជាក់យ៉ាងច្បាស់ថា «វាមិនមែនជា, Dylan Wang ឬ Zhu Yilong ទេ»។ បន្ទាប់មក មតិមួយបានសួរដោយផ្ទាល់ថា «តើវាជា Gong Jun ឬ Bai Jing Ting?» ជាការឆ្លើយតប អ្នកបង្ហោះរូបនេះបានបដិសេធពាក្យចចាមអារ៉ាមដែលនិយាយអំពី Gong Jun ប៉ុន្តែមិនបាននិយាយពី Bai Jing Ting ទាល់តែសោះ។
ភាពស្ងៀមស្ងាត់នោះបានបង្កឱ្យមានការជជែកដេញដោលភ្លាមៗ ខណៈដែលមនុស្សជាច្រើនបានមើលឃើញថានេះជាសញ្ញាមួយបង្ហាញថាតារាដែលមានអាកប្បកិរិយាមិនល្អគឺ Bai Jingting ។

រូបភាពរបស់ Bai Jingting បានចាប់ផ្តើមចែកចាយនៅលើប្រព័ន្ធផ្សព្វផ្សាយសង្គម នៅពេលដែលមានការរំពឹងទុកកើនឡើង។ ឈ្មោះរបស់លោកក៏បានចូលទៅក្នុងចំណាត់ថ្នាក់ស្វែងរកដែលកំពុងពេញនិយមនៅលើ Weibo ផងដែរ។ ទាំងម៉ាកយីហោ LV និងសិល្បករដែលបានលើកឡើង មិនបានឆ្លើយតបនឹងពាក្យចចាមអារ៉ាមនេះទេ។ ទោះជាយ៉ាងណាក៏ដោយ ពាក្យបណ្តឹងនេះកំពុងធ្វើឱ្យព័ត៌មានអវិជ្ជមានទាក់ទងនឹងអាកប្បកិរិយាអតីតកាលរបស់ Bai Jingting ត្រូវបាន «ជីកកកាយ»។

កាលពីដើម ឆ្នាំ២០២៤ ក្នុងការសម្តែងក្នុងកម្មវិធី Spring Festival Gala របស់ CCTV Bai Jingting ត្រូវបានគេចោទប្រកាន់ថាមានចេតនាស្លៀកសម្លៀកបំពាក់ពណ៌ផ្សេងគ្នាពីមិត្តរួមការងារពីរនាក់របស់ខ្លួនដើម្បីធ្វើឱ្យខ្លួនលោកលេចធ្លោជាងគេនិងរងការរិះគន់ដែលធ្វើឱ្យតារាផ្សេងមិនអាចផ្លាស់ទីក្នុងអំឡុងពេលសម្តែង។

ដ្បិតមានភាពចម្រូងចម្រាសលើអាកប្បកិរិយាប៉ុន្តែការសម្ដែងរបស់ Bai Jingting ទទួលបានការឆ្លើយតបជាវិជ្ជមានកាន់តែច្រើនឡើង។ នេះបានជួយឱ្យតារាសម្តែងកើតឆ្នាំ ១៩៩៣ ត្រូវបានគេចាត់ទុកជាតារាល្បីមួយរូបក្នុងវិស័យភាពយន្តចិន៕