មកទល់នឹងពេលនេះទស្សនិកជននៅតែមានការងឿងឆ្ងល់និងជជែកវែកញែកមិនទាន់បញ្ចប់ក្រោយពីកញ្ញា ខាត់ ស្រីច័ន្ទ ហៅ Kate បានបង្ហើបរឿងបុគ្គលម្នាក់មិនទទួលផ្សព្វផ្សាយម៉ាកយីហោក្នុងស្រុក (Local Brand) ប៉ុន្តែថ្មីៗនេះបែរជាឃើញផ្សាយហើយក្លាយជា BA ថ្មីទៀត។ ជុំវិញការបង្ហោះសារដែលបង្កឱ្យមានមតិយោបល់ជាច្រើន ស្រីច័ន្ទ ថានាងគ្មានបំណងវាយប្រហារអ្វីនោះទេគ្រាន់តែចង់ក្រើករម្លឹកនិងមិនចង់ឱ្យអ្នកផ្សេងទៀតបង្ហាញឥរិយាបថដូចនេះព្រោះមានពាក្យជាច្រើនដែលអាចឆ្លើយបដិសេធប្រកបដោយវិជ្ជាជីវៈ។
នៅយប់ថ្ងៃទី១៥ វិច្ឆិកា អតីតបវរកញ្ញា ខាត់ ស្រីច័ន្ទ បានបង្ហោះសំណេរមួយថា «After seeing new BA Remind me to នឹកឃើញគេហៅអីទៅអត់ច្បាស់ថាជា Influencer or Contents creator ឬជាតារា ចាំច្បាស់ជាងគេគឺពាក្យ(អត់ទទួលថត Local brand ) តែឡូវឃើញថតធម្មតា។ ពាក្យនេះអាចធ្វើឱ្យប្អូនងើបមុខលែងរួចណា។ ខ្ញុំជឿថាមានបងៗច្រើនធ្លាប់ឮ ប្រហែលគ្នា ឆាប់ល្បីពីក្មេងពេកទេដឹង»។ សំណេរនេះបានទាក់ទាញឱ្យមានការជជែកវែកយ៉ាងច្រើនរហូតអ្នកខ្លះថែមទាំងខម្មិនចែករំលែកដាក់ឈ្មោះចំៗទៅកាន់អ្នកល្បីនោះដោយមានការសង្ស័យថាជានាង ព្រោះទើបឃើញឡើងធ្វើជា BA ថ្មី។
ដោយសារតែសំណេររបស់ខ្លួនទាក់ទាញមតិយោបល់ជាច្រើនមានមតិខ្លះថែមទាំងមានការយល់ច្រឡំ ខាត់ ស្រីច័ន្ទ បានបង្ហោះសំណេរថ្មីមួយទៀតនៅព្រឹកថ្ងៃទី១៧ ខែវិច្ឆិកា ថា «ពាក្យមិនទទួលថតផលិផលក្នុងស្រុក បើសិនជាអ្នកជាម្ចាស់ brand ហើយស្រលាញ់បុគ្គលម្នាក់ ហើយក៏ចង់ទាក់ទងមកធ្វើការ ហើយគេនិយាយថាសូមទោសខ្ញុំមិនទទួលថត ផលិតផលក្នុងស្រុកទេ ទាំងដែលយើងខំប្រឹងបង្កើតយីហោក្នុងស្រុក តើអ្នកមានអារម្មណ៍យ៉ាងណា??អ្នកស្រលាញ់នឹងខកចិត្ត។ តែបើមនុស្សធម្មតាគេនឹងនិយាយថា សូមទោសបងខ្ញុំមិនទាន់ទទួលថតបានទេព្រោះជាប់រៀន, បងតើខ្ញុំអាចសាកបានទេមុននឹងទទួលបានទេឬហេតុផលផ្សេង ច្រើនទៀត it look professional »។ 
អ្នកបង្កើតកម្មវិធីបវរកញ្ញាក្នុងស្រុក Miss Mera Cambodia បានបន្ថែមទៀតថាសំណេររបស់នាងគ្រាន់តែជារម្លឹកសម្រាប់ខ្លួនឯង និងចង់ឱ្យអ្នកផ្សេងៗទៀតឆ្លើយតបដោយពាក្យសម្តីល្អៗ ប៉ុន្តែបើគ្រប់គ្នាគិតថាវាជាអាកប្បកិរិយាល្អសូមធ្វើបន្តទៀតចុះ»។ ជាមួយនឹងការបង្ហោះសារកញ្ញា ខាត់ ស្រីច័ន្ទ ក៏បាន live លើបណ្តាញសង្គមបញ្ជាក់ពីសំណេររបស់ខ្លួន និងចង់ឱ្យបុគ្គលដែលធ្វើខុសកែប្រែកំហុសឆ្គងរបស់ខ្លួន៕
