តារាសម្ដែងចិន Ding Yuxi ស្ទើរតែធ្លាក់ពីលើសេះពេលកំពុងថតរឿង

ថ្មីៗនេះតារាសម្ដែងចិន Ding Yuxi បានជួបឧបទ្ទវហេតុដ៏រន្ធត់មួយនៅក្នុងឈុតរឿងភាគប្រវត្តិសាស្ត្រ «When The Flowers Bloom»។ តាមរយៈវីដេអូបានបង្ហាញថា Yuxi កំពុងថតឈុតអាពាហ៍ពិពាហ៍ដែលស្ថិតនៅលើខ្នងសេះ។ ទោះយ៉ាងណា សេះបានភ្ញាក់ផ្អើលនឹងសំឡេងគង។

វីដេអូរយៈពេល ១៥ វិនាទី ដែលត្រូវបានថតដោយកាមេរ៉ា ហើយក្រោយមកបានលេចធ្លាយតាមអ៊ីនធឺណិត បង្ហាញពីការជិះសេះដោយមិនអាចគ្រប់គ្រងបាន ខណៈដែល Yuxi ព្យាយាមរក្សាលំនឹងរបស់ខ្លួន។ Ding Yuxi ត្រូវបានគេឃើញលោកផ្អៀងទៅក្រោយយ៉ាងគ្រោះថ្នាក់ហើយស្រែជាច្រើនដងក្នុងការប៉ុនប៉ងបញ្ឈប់សេះ។ ដោយសារជំនាញជិះដ៏ខ្លាំងរបស់ខ្លួន Ding Yuxi នៅទីបំផុតអាចគ្រប់គ្រងសេះបាន។

ទោះបីជាមិនមានអ្នករងរបួសក៏ដោយ ប៉ុន្តែឧបទ្ទវហេតុនេះបានធ្វើឱ្យមានការព្រួយបារម្ភថាតើក្រុមការងាររបស់ផលិតកម្មបានធ្វើការប្រុងប្រយ័ត្នសុវត្ថិភាពគ្រប់គ្រាន់ក្នុងអំឡុងពេលថតខ្សែភាពយន្តដែរឬទេ។ ឧបទ្ទវហេតុនេះបានបង្កឱ្យមានការពិភាក្សាយ៉ាងទូលំទូលាយនៅលើអ៊ីនធឺណិត ដោយមានអ្នកនិយមលេងអ៊ីនធឺណិតជាច្រើនបានសរសើរ Yuxi ចំពោះភាពស្ងប់ស្ងាត់របស់ខ្លួនក្រោមសម្ពាធ។

ឧបទ្ទវហេតុនេះក៏បាននាំយកមកវិញនូវការចងចាំនៃឧបទ្ទវហេតុឆ្នាំ ២០០៥ ដែលពាក់ព័ន្ធនឹងតារាជើងចាស់តៃវ៉ាន់ Lin Chiling ដែលបានធ្លាក់ពីលើសេះពេលកំពុងថតផ្សាយពាណិជ្ជកម្មនៅទីក្រុង Dalian ហើយត្រូវគេងគ្រែពេទ្យអស់រយៈពេល១០ថ្ងៃផងដែរ៕