មនុស្សជាច្រើនមានបញ្ហាសក់ឆាប់ឡើងប្រេង ហើយត្រូវកក់សក់ជារៀងរាល់ថ្ងៃ។ សក់ឡើងប្រេង វាមើលទៅគ្មានអនាម័យ ហើយវាអាចធ្វើឱ្យបាត់បង់ភាពស្រស់ស្អាតមួយផ្នែកផងដែរ ជាពិសេសគឺមនុស្សស្រី បើទោះបីជាខំព្យាយាមកក់សក់ញឹកញាប់ប៉ុណ្ណាក៏បញ្ហានេះនៅតែកើតមាន។ នេះគឺមកពីស្បែកក្បាលមនុស្សជំរុញការផលិតប្រេង ទើបធ្វើឲ្យវាកាន់តែកើនឡើងបែបនេះ។ នៅក្នុងអត្ថបទនេះអ្នកនឹងបានយល់ពីបញ្ហាសក់ឡើងប្រេង និងគន្លឹះរក្សាសក់ឱ្យស្អាតបានយូរ។
មូលហេតុដែលបណ្ដាលឲ្យសក់ឆាប់ឡើងប្រេងគឺបណ្ដាលមកពី៖
-ក្រពេញ sebaceous នៅលើស្បែកក្បាលផលិតប្រេងច្រើនពេក
-ការកក់សក់ញឹកញាប់ពេក រហូតដល់ស្បែកក្បាលស្ងួត។ នេះបណ្តាលឱ្យរាងកាយពន្លឿនការផលិតប្រេងកាន់តែច្រើន។
-ប្រើសាប៊ូកក់សក់ ឬក្រែមបន្ទន់សក់ដែលមិនស័ក្តិសមសម្រាប់ប្រភេទសក់របស់អ្នក។
-អាកាសធាតុក្តៅ និងសើម ហើយងាយនឹងបែកញើស។
-សិតសក់ញឹកញាប់ធ្វើឱ្យជាតិប្រេងបែកខ្ញែកពេញស្បែកក្បាល។.jpg)
យ៉ាងណាមិញ អ្នកអាចយកវិធីខាងក្រោមនេះទៅអនុវត្តដើម្បីកាត់បន្ថយសក់ឡើងប្រេង យ៉ាងមានប្រសិទ្ធភាពមានដូចជា៖
១.ជ្រើសរើសសាប៊ូកក់សក់ ដែលត្រូវជាមួយស្បែកក្បាល: ប្រើសាប៊ូកក់សក់ណាដែលទប់ជាតិប្រេងបានល្អ ឬសាប៊ូកក់សក់ថ្លាដែលមិនមានជាតិស៊ីលីកូន ដើម្បីកាត់បន្ថយការស្ទះនៅលើស្បែកក្បាល។
.jpg)
២.ចៀសវាងកក់សក់ញឹកញាប់ពេក:
គួរលាងសម្អាតសក់ជារៀងរាល់ថ្ងៃ ឬ ២-៣ ដងក្នុងមួយសប្តាហ៍ ដើម្បីធ្វើឱ្យស្បែកក្បាលមានតុល្យភាពនៃផលិតកម្មប្រេង។
៣.ប្រើទឹកត្រជាក់ដើម្បីលាងជម្រះសក់:
ទឹកក្ដៅនឹងជំរុញការផលិតប្រេងកាន់តែច្រើនដូច្នេះគួរប្រើទឹកត្រជាក់សម្រាប់សំអាតសក់ជំនួសវិញ ដែលនេះនឹងជួយផ្ជិតរន្ធសរសៃសក់ ព្រមទាំងកាត់បន្ថយជាតិប្រេងផងដែរ។
៤.ចៀសវាងប្រើក្រែមបន្ទន់សក់ដល់ស្បែកក្បាល: ក្រែមបន្ទន់សក់ត្រូវលាបតែចុងសក់ប៉ុណ្ណោះ នេះគឺដើម្បីជៀសវាងការឡើងប្រេងលើស្បែកក្បាល។.jpg)
៥.ប្រើសាប៊ូស្ងួតពេលថ្ងៃ:
សាប៊ូកក់សក់ស្ងួត ឬ dry shampoo ជួយស្រូបយកជាតិខ្លាញ់បានល្អ។ វាធ្វើឱ្យសក់របស់អ្នកមើលទៅស្អាត និងរលាស់រលោង ដែលនេះជាវិធីល្អឥតខ្ចោះសម្រាប់ថ្ងៃណាដែលអ្នកមិនបានកក់សក់។.jpg)
បន្ថែមពីនេះ នៅមានគន្លឹះផ្សេងៗទៀតដើម្បីជួយកុំឲ្យសាករបស់អ្នកងាយឡើងប្រេង ដូចជា៖
-ជៀសវាងការសិតសក់ញឹកញាប់ពេក ព្រោះវានឹងធ្វើឱ្យប្រេងចែកចាយពេញសរសៃសក់និងស្បែកក្បាល។
-ឧស្សាហ៍លាងក្រាស់សិតសក់ និងសម្ភារៈសក់របស់អ្នកឱ្យបានហ្មត់ចត់។
-ផឹកទឹកឱ្យបានច្រើន និងញ៉ាំអាហារដែលមានជាតិអូមេហ្គា 3 ដើម្បីជួយរក្សាតុល្យភាពជាតិប្រេងពីខាងក្នុងខ្លួនរបស់អ្នក។
-និងជាចុងក្រោយ ជៀសវាងប្រើផលិតផលសក់ដែលមានជាតិប្រេងច្រើន៕.jpg)
