នៅក្នុងអំឡុងការឈ្លានពានថៃមកលើកម្ពុជា កងទ័ពថៃបានប្រើប្រាស់យន្តហោះចម្បាំង F-16 បំពាក់ជាមួយគ្រាប់បែក MK-84 ទម្លាក់លើប្រាសាទព្រះវិហារ និងទីតាំងជាច្រើនទៀត។
គ្រាប់បែក MK-84 មានទម្ងន់១តោន ប្រវែងប្រមាណ៣.៥ម៉ែត្រ និងមានជាតិផ្ទុះជាង៥០០គីឡូក្រាម ដែលជាគ្រាប់ធំជាងគេបំផុត ក្នុងចំណោមប្រភេទគ្រាប់បែក MK (MK-81, MK82, MK-83 និងMK-84)។
វាមានសមត្ថភាពអាចកម្ទេចទីតាំងបានធំដល់ទៅ ៣៦០ម៉ែត្រការ៉េ និងបុកទម្លុះចូលបេតុងបានកម្រាស់៣ម៉ែត្រ។
ជាធម្មតា វាត្រូវបានគេទម្លាក់ពីលើយន្តហោះ ដោយដល់ដីវានឹងផ្ទុះខ្លួនឯង ហើយអាចបង្កើតជារណ្តៅជម្រៅ១១ម៉ែត្រថែមទៀតផងដែរ។
គ្រាប់បែកនេះ ត្រូវបានគាប៉ាន់ប្រមាណថាមានតម្លៃ១៦០០០ដុល្លារក្នុងគ្រាប់ ដែលភាគច្រើនប្រើនៅប្រទេសដែលជាសម្ព័ន្ធមិត្តអាមេរិក ដូចជាអុីស្រាអែល និងអារ៉ាប់បីសាអ៊ូឌីត។.png)
MK-84 ត្រូវបានប្រើប្រាស់ជាលើកដំបូងនៅក្នុងសង្គ្រាមអាមេរិក-វៀតណាម ដែលកាលនោះអាមេរិកទម្លាក់ជិត៧.៥លានតោន ក្នុងរយៈពេលចន្លោះពីឆ្នាំ១៩៦៥ ដល់១៩៧៥៕
