មិនត្រឹមតែអាជីពសិល្បៈ! រ៉ាប៊ី ថាអាជីពណាក៏មានអ្នកកា.ច់កុងមិនចង់ឱ្យមានអ្នកលើខ្លួន

ថ្មីៗនេះតារាចម្រៀង រ៉ាប៊ី បានចូលរួមកម្មវិធីផសខាសដោយបានចែករំលែករឿងរ៉ាវជា ច្រើនមិនថាទាក់ទងនឹងអាជីពសិល្បៈឬទាក់ទងនឹងស្វាមីរបស់ខ្លួននោះទេ។ ជ្រកក្នុងផលិតកម្មថោនដំបូងក្នុងឆ្នាំ២០១៦ រ៉ាប៊ី ថានាងមិនសូវជាមានបទចម្រៀងផ្ទុះនោះទេ ប៉ុន្តែមានការងារខនសឺតតាមខេត្តហើយកាលដំបូងៗគឺនាងទទួលបានតម្លៃខ្លួន៨០០ដុល្លារប៉ុណ្ណោះ។

តារាចម្រៀងរូបនេះបានចែករំលែកទៀតថាបន្ទាប់ពីផ្ទុះបទចម្រៀង «មាន់ស្រែ» ក្នុងឆ្នាំ ២០១៨ ធ្វើឱ្យតម្លៃខ្លួនរបស់នាងហក់ឡើងខ្លាំងនិងទទួលបានភាពល្បីល្បាញមក ដល់សព្វថ្ងៃនេះ។ ឆ្លងកាត់ជីវិតក្នុងវិស័យសិល្បៈ រ៉ាប៊ី ថាមិនត្រឹមតែអាជីពប៉ុណ្ណោះទេ ដែលមានរឿងទោះបីជាអាជីពណាក៏ដោយក៏មានរឿងកាច់កុងមិនចង់ឱ្យមានអ្នកណាម្នាក់លើខ្លួនទេព្រោះមនុស្សម្នាក់ៗតែងតែចង់ល្អរៀងៗខ្លួន។ រ៉ាប៊ី ថាមុននឹងនាងចូលអាជីពសិល្បៈគឺនាងបានចូលធ្វើការនៅក្នុងក្រុមហ៊ុនជប៉ុនមួយ។

តារាចម្រៀង រ៉ាប៊ី ថាការចង់ឱ្យខ្លួនឯងល្អគឺមានពីរ។ទី១គឺការចង់បានល្អដោយសារតែការខិតខំដោយខ្លួនឯងហើយមួយទៀតគឺចង់ល្អដោយសារតែនិយាយឱ្យគេអន់ដើម្បីឱ្យខ្លួនឯងឡូយ។ រ៉ាប៊ី ថារឿងអាជីពសិល្បៈនាងមិនចង់និយាយអ្វីឆ្ងាញនោះទេព្រោះនាងជាមនុស្សដែលមិនចេះត្អូញត្អែរនោះទេ។ បើសិនជានាងចាញ់គេឬជួបរឿងរ៉ាវអី នាងដោះមិនកើតនាងចាត់ ទុកថាខ្លួនឯងអន់។ ជាក់ស្តែងបើសិនជាគេនិយាយដើមនាង នាងចឹងបានអត់មាន Event ច្រៀងហើយនេះគេហៅថាមនុស្សអន់។

ជាមួយនឹងការចែករំលែកជាច្រើននោះ រ៉ាប៊ី ក៏បាននិយាយពីហេតុផលដែលនាងជាតារាស្រី ម្នាក់ដែលមាត់ឆៅឆ្លើយតបភ្លាមៗទៅកាន់អ្នកររិះគន់។ រ៉ាប៊ី ថាបើការរិះគន់ បែបស្ថាបនា នាងអាចព្រមទទួលយកបើសិនជានាងធ្វើខុសប៉ុន្តែបើនាងមិនខុសនោះទេនាងនឹងឆ្លើយតបវិញព្រោះការធ្វើនេះកុំឱ្យអ្នករិះគន់នោះបានចិត្តហើយកាលណាដែលសំងំស្ងៀមមិនតបតនឹងកាន់តែធ្វើឱ្យបុគ្គលនោះបានចិត្ត៕