«Jump» ជា MV ប្លែកជាងគេក្នុងអាជីពរបស់ BLACKPINK

នៅថ្ងៃទី១១ ខែកក្កដា ក្រុមចម្រៀងនារី Kpop BLACKINK បានត្រឡប់មកវិញជាផ្លូវការ ហើយបន្ទាប់ពីជិត ៣ ឆ្នាំជាមួយនឹង MV ថ្មី «Jump» ។ «Jump» គឺជាបទបែប EDM ( Electronic Dance Music) ជាមួយនឹងបទភ្លេងដ៏រស់រវើក និងស្វាហាប់។ បទនេះជាការសហការគ្នារវាង Teddy និង 24 ដែលជាផលិតករដែលបង្កើតបទល្បីជា ច្រើនរបស់ BLACKINK ក៏ដូចជាកំពូលតន្ត្រីករ និងអ្នកនិពន្ធមកពីបរទេស។

ទំនុកច្រៀងនៃបទចម្រៀង «Jump» មិនមានខ្លឹមសារជាក់លាក់ណាមួយទេ ប៉ុន្តែមានលក្ខណៈដូចជាបទចម្រៀងលើកទឹកចិត្ត លើកទឹកចិត្តមនុស្សឱ្យលោត និងរីករាយ។ជាពិសេស MV បទ «Jump» ត្រូវបានផលិតឡើងក្នុងស្ទីលប្លែកៗ ។ ទស្សនិកជនជាច្រើនបានវាយតម្លៃថាជា MV ប្លែកបំផុតរបស់ BLACKINK ។

វីដេអូចម្រៀងនេះបើកក្បាលជាមួយនឹងទិដ្ឋភាពនៃកាមេរ៉ាហោះហើរលើទីក្រុង ដែលរំឮកដល់ខ្សែភាពយន្តកំពូលវីរបុរស Marvel ។ បន្ទាប់មកសមាជិក ៤នាក់នៃក្រុម BLACKINK បានឈរ និងសម្តែងនៅពីមុខផ្ទាំងរូបភាពដ៏ធំដែលគូរនៅលើជញ្ជាំង នៃអគារខ្ពស់មួយ។ ចំណែកឯនៅខាងក្រោមវិញត្រូវបានអ្នកគាំទ្រជាច្រើន ស្រែកហ៊ោកញ្ជ្រៀវ ពេលឃើញក្រុម BLACKINK បន្តរាំ និងងក់ក្បាលទៅតាមបទភ្លេង។

MV បទ «Jump» បានធ្វើឱ្យទស្សនិកជនភ្ញាក់ផ្អើល ដោយប្រើបែបផែនពិសេសៗជាច្រើន បង្កើតជាឈុតប្លែកៗ និងកំប្លែងៗ ដូចជាឈុតឆាកដែលសមាជិកបង្ហាញខ្លួនក្នុងមាត់ ត្រចៀក និងខួរក្បាលរបស់អ្នកទស្សនា ឬឈុតដែល BLACKINK ហោះលើអាកាសដូចវីរបុរស ហើយសម្តែងនៅលើឆាកដែលមើលទៅដូចចានហោះ…

កាលពីមុន BLACKINK មានភាពល្បីល្បាញដោយសារ MV របស់ពួកគេ ដែលភាគច្រើនត្រូវបានថតនៅក្នុងស្ទូឌីយោ។ ប៉ុន្តែលើកនេះ MV “Jump” ត្រូវបានថតនៅខាងក្រៅទាំងស្រុង ដោយប្រើតួសម្តែង និងអ្នករាំជាច្រើន ហើយឥទ្ធិពលដែលមើលឃើញលេចឡើងពេញ MV ។

អ្នកដឹកនាំវីដេអូតន្ត្រីដ៏ក្លាហាន សប្បាយ និងចម្លែកនេះគឺលោក Dave Meyers ដែលបានឈ្នះពានរង្វាន់ Grammy សម្រាប់វីដេអូតន្ត្រីល្អបំផុត។លោក ក៏ធ្លាប់បានដឹកនាំ វីដេអូចម្រៀង «New Woman» របស់ Lisa ផងដែរ ។ ស្នាដៃរបស់អ្នកដឹកនាំរូបនេះដែលលាយបញ្ចូលភាពពិតជាមួយនឹងការប្រឌិត និងការស្រមើស្រមៃគឺបង្ហាញឱ្យឃើញនៅក្នុងវីដេអូចម្រៀង «Jump» របស់ BLACKINK ។ដំណើរការឌីជីថលដំបូងរបស់ BLACKINK ក៏មានភាពវិជ្ជមានផងដែរដោយបាន ជាប់លើកំពូលតារាតន្រ្តីកូរ៉េធំៗ៕