RM និង V បានចេញពីកាតព្វកិច្ចយោធាជាផ្លូវការ ខណៈអ្នកគាំទ្របានឡោមព័ទ្ធដើម្បីស្វាគមន៍

នៅព្រឹកថ្ងៃទី ១០ ខែមិថុនា RM និង V របស់ BTS បានជួបអ្នកគាំទ្រនៅក្នុងព្រឹត្តិការណ៍ ដែលបានធ្វើឡើងនៅ Sports Park ក្នុងក្រុង Sinbuk-eup ខេត្ត Chuncheon ខេត្ត Gangwon។ សមាជិកទាំងពីរបានបញ្ចប់ការបម្រើយោធាជាកាតព្វកិច្ចរបស់ពួកគេ ដោយ RM បម្រើការជាសមាជិកនៃក្រុមតន្រ្តីយោធានៃកងពលធំទី ១៥ និង V បម្រើជាសមាជិកនៃកងកម្លាំងពិសេសនៃប៉ូលីសយោធាទី ២ របស់កងទ័ព។

ក្នុងអំឡុងពេលនៃព្រឹត្តិការណ៍នេះ អ្នកគាំទ្របានបញ្ចេញប៉េងប៉ោង ដើម្បីអបអរ និងស្វាគមន៍យ៉ាងកក់ក្តៅចំពោះសមាជិកទាំងពីរត្រឡប់មកវិញបន្ទាប់ពីបញ្ចប់ការបម្រើរបស់ពួកគេ។ ក្រោយវិលមកវិញ តារាចម្រៀងទាំងពីរត្រូវបានក្រុមហ៊ុនគ្រប់គ្រងដឹកនាំឱ្យមានការដឹកនាំតន្ត្រីសម្រាប់អនាគត។ RM និង V សាមជិក BTS ត្រូវបានគេរំពឹងថានឹងរួមគ្នាជាមួយក្រុមនិងវិលវិញក្នុងអាល់ប៊ុមថ្មីនៅពេលខាងមុខ។

ឆ្នាំ ២០២៥ គឺជាឆ្នាំដែលសមាជិក BTS ទាំង ៧ នាក់បានបញ្ចប់កាតព្វកិច្ចយោធា។ នៅពេលដែលក្រុមត្រឡប់មកវិញ អ្នកជំនាញជាច្រើនបានព្យាករណ៍ថាទីផ្សារតន្ត្រី K-Pop នឹងកាន់តែមានភាពរស់រវើក ហើយតម្លៃភាគហ៊ុនរបស់ក្រុមហ៊ុនគ្រប់គ្រង HYBE ក៏នឹងកើនឡើងយ៉ាងខ្លាំងផងដែរ។



Jin និង J-Hope បានបញ្ចប់កាតព្វកិច្ចយោធាកាលពីឆ្នាំមុនចំណែក RM និង V បានចេញពីយោធានៅថ្ងៃទី ១០ ខែមិថុនា បន្ទាប់មក Jungkook និង Jimin នៅថ្ងៃទី ១១ ខែមិថុនា និង Suga នៅថ្ងៃទី ២១ខែមិថុនា។ កំឡុងពេលសម្រាកដោយសារការ បំពេញកាតព្វកិច្ចយោធាសមាជិកនៅតែភ្ជាប់ទំនាក់ទំនងជាមួយអ្នកគាំទ្រតាមរយៈការចេញបទចម្រៀងទោលដែលបានថតពីមុន៕



---