ទស្សនិកជនមួយចំនួនលុបបំបាត់ការសង្ស័.យពីជំ.នាញសម្តែងរបស់ Xiao Zhan

Xiao Zhan គឺជាតារាសម្ដែងមួយរូបដែលមានអ្នកគាំទ្រច្រើនហើយលោកក៏មានឥទ្ធិពលខ្លាំងលើឧស្សាហកម្មភាពយន្តចិនរាល់តួនាទីដែលលោកសម្តែងគឺទទួលប្រាក់កម្រៃខ្ពស់ណាស់។ នៅពេលដែលគេរំពឹងថានៅក្នុងរឿង «The Legend of the Condor Heroes» តួប្រុសបានបរាជ័យនៅពេលដែលប្រាក់ចំណូលរបស់ខ្សែភាពយន្ត និងការវាយតម្លៃពីទស្សនិកជនសម្រាប់តួនាទីរបស់លោកទាំងពីរមិនល្អ។

ប្រការនេះហើយនៅពេលដែល Xiao Zhan ដើរតួសំខាន់ក្នុងរឿងបុរាណ « Legend of Zanghai » ទស្សនិកជនជាច្រើនមានការងឿងឆ្ងល់ដោយគិតថាតួសម្តែងនឹងបរាជ័យ ម្តងទៀត ព្រោះតួនាទីនេះមានភាពស្មុគស្មាញផ្នែកចិត្តវិទ្យា ទាមទារជំនាញសម្តែងខ្ពស់។

យ៉ាងណាមិញបន្ទាប់ពីចាក់ផ្សាយបានមួយរយៈភាពយន្តនេះបានធ្វើឱ្យគ្រប់គ្នាភ្ញាក់ផ្អើលជាមួយនឹងកំណត់ត្រាជាបន្តបន្ទាប់ ហើយការសម្ដែងរបស់ Xiao Zhan ក៏លើសពីការរំពឹង ទុករបស់ទស្សនិកជនផងដែរ។

យោងតាមទិន្នន័យពី Lighthouse Pro Edition ការមើលសរុបនៃរឿង Legend of Zanghai ដែលសម្តែងដោយ Xiao Zhan មានការចូលមើលលើសពី ១ ពាន់លានដង ដោយមួយថ្ងៃមានអ្នកទស្សនាលើសពី ៩៧ លានដង។

Legend of ZangHai កំពុងចាក់ផ្សាយលើកញ្ចក់ទូរទស្សន៍ CCTV-8 និងវេទិកា Youku ។ កម្មវិធីនេះក៏ទទួលបានការចាប់អារម្មណ៍ខ្ពស់ និងទទួលបានការសរសើរយ៉ាងច្រើនពីទស្សនិកជន។ ទស្សនិកជនជាច្រើនបានបញ្ចេញមតិថា លើកនេះ Xiao Zhan ដើរតួជា ZangHai ហាក់បីដូចជាប្រែក្លាយទៅជាមនុស្សខុសគ្នាទាំងស្រុង ហើយការសម្ដែងរបស់ លោកមានភាពប្រសើរឡើងគួរឱ្យកត់សម្គាល់។

តួនាទីរបស់ Zang Hai ត្រូវបានគេចាត់ទុកថាស្មុគស្មាញ ពីការលាក់បាំងដោយអត់ធ្មត់ ការគិតជាជំហានៗ រហូតដល់ការបង្ហាញភាពមុតស្រួច… ភ្នែករបស់ Xiao Zhan បង្ហាញនូវឥទ្ធពលរបស់តួអង្គយ៉ាងត្រឹមត្រូវ។ ក្នុងដំណាក់កាលដំបូងតួអង្គ Zang Hai មានភ្នែកស្លូតត្រង់ ប៉ុន្តែមានរលកលាក់កំបាំង។ នៅដំណាក់កាលក្រោយៗទៀត ពេលលោកជាប់ពាក់ព័ន្ធនឹងអំណាច និងការឃុបឃិតគ្នា ភ្នែករបស់ Xiao Zhan មុតដូចកាំបិត ត្រជាក់ និងគួរឱ្យខ្លាច។ ជាពិសេសនៅក្នុងឈុតឆាកសំខាន់ៗ រាល់ការនិយាយការផ្លាស់ ប្តូរអារម្មណ៍ដ៏រលូនរបស់ Xiao Zhan ធ្វើឱ្យអ្នកទស្សនាទាញចូលទៅក្នុងគំនិត ខាង ក្នុងរបស់តួអង្គ។

ជាងនេះទៅទៀត ក្នុងរឿង Legend of ZangHai សំលេងរបស់តួប្រុសក៏ទទួលបានការ សរសើរផងដែរ។ តារាសម្តែងរូបនេះនិយាយដោយសំឡេងជ្រៅ ច្បាស់ និងមានឥទ្ធិពល។ ជំនាញសំឡេងរបស់ Xiao Zhan មានភាពប្រសើរឡើងច្រើននៅពេលនេះ៕