បន្ទាប់ពីទម្លាក់អាល់ប៊ុមទី៣ និងបញ្ចាប់ការប្រគំតន្រ្តីរបស់ខ្លួនស្រាប់ តែអ្នកគាំទ្រមានការងឿងឆ្ងល់ យ៉ាងខ្លាំងព្រោះតែគេបានឃើញគណនី វណ្ណដា បានចែករំលែក(Share) និងមានសកម្មភាពខុសពីរាល់ដងដាច់ស្រឡេះ។ ខុសពីធម្មតាមិនធ្លាប់រហូតខាងផលិតកម្មទប់លែងឈ្នះចេញមកចាក់បណ្តោយ ខណៈ ឡូរីន បានបង្ហាញថានាងទាញយកទូរសព្ទពី វណ្ណដា លែងឱ្យកាន់ទៀត។
កាលពីថ្ងៃទី១៩ ឧសភា គណនីហ្វេកប៊ុករបស់ វណ្ណដា ដែលមានឈ្មោះថា Mann Vannda បានចេញមកបង្ហោះសំណេរនិងចែករំលែកជាបន្តបន្ទាប់រហូតបង្កើតជាពាក្យ ពេញនិយមថា ពេទ្យអ៊ីនធឺណិត និងពាក្យ «ស្រួលបួលតិច (Zoul bul tic)»ផ្ទុះពេញបណ្តាញសង្គម។ ទាំងការបង្ហោះសំណេរនិងចែករំលែកជាបន្តបន្ទាប់របស់ វណ្ណដា ច្រើនខុសពីធម្មតាមិនធ្លាប់មានបានធ្វើឱ្យអ្នកគាំទ្រជាច្រើនមានភាពងឿងឆ្ងល់យ៉ាងខ្លាំងរហូតគិតថា ហ្វេកប៊ុក វណ្ណដា ត្រូវបានគេហែក។ 
ឃើញ វណ្ណដា បានចែករំលែកមិនឈប់ស្រាប់តែបណ្តាញសង្គមរបស់ផលិតកម្មបារមីចេញមកបង្ហោះសំណេរតែម្តងជាមួយនឹងពាក្យថា «អបអរសាទរបង Mann Vannda ដែលបានបំបែកកំណត់ត្រា Share 18 post ក្នុង 21 ម៉ោង។ We are so proud of you បងបាន Day off មួយថ្ងៃសម្រាកទៅបងថ្ងៃស្អែកចាប់ថតវីដេអូធម្មតា»។
មិនទាន់ឈប់នោះទេ វណ្ណដា នៅតែបន្តមានសកម្មភាពផ្សេងទៀត ខណៈតារាចម្រៀងរូបនេះថា «លះបង់អស់ហើយ ៣ខែបញ្ចប់៣អាល់ប៊ុម រង់ចាំថ្ងៃនេះ»និងខ្លឹមសារជាច្រើនទៀត។ ក្រោយពីក្រុមហ៊ុនទប់មិនជាប់ ស្រាប់តែ ឡូរីន ជាសង្សារចេញមកបង្ហាញថានាងបានដកទូរសព្ទពី វណ្ណដា ហើយ។
ឡូរីន សរសេរថា «ដកហើយ យ៎ាយពីថាshareទាល់ដេក ងើបមកshareទៀត»។ ទោះយ៉ាងណា បន្ទាប់ពីសង្សារដកទូរសព្ទស្រាប់តែមានគណនីហ្វេកប៊ុកមួយបានជួយសង្គ្រោះ វណ្ណដា ក្នុងបំណងចង់ឱ្យ វណ្ណដា រីករាយនិងបញ្ចេញឱ្យអស់ក្នុងថ្ងៃនេះ។ ក្រោយមក វណ្ណដា បានបង្ហាញថាលោកទទួលបានទូរសព្ទពី ឡូរីន វិញហើយនិងបានអរគុណទៅដល់អ្នកបង្ហោះសំណេរនោះផងដែរហើយ វណ្ណដា បានស៊ែរនិងបង្ហោះជាបន្តទៀតរហូតដល់សួរក្រុមហ៊ុនហ្វេកប៊ុកបិទម៉ោងប៉ុន្មាន៕
