ទិវាគុណម្តាយ! ឡូរីន ជូនពរម្តាយបែបនេះ ខណៈម្តាយជូនពរឱ្យមហាជនស្រលាញ់និងចូលចិត្តនាងវិញ

មិនខុសពីឆ្នាំមុន ស្រីស្អាត ឡូរីន បានបង្ហាញសេចក្តីស្រលាញ់និងជូនពរអ្នកម្តាយរបស់ខ្លួនក្នុងឱកាសទិវាគុណម្តាយពោរពេញដោយក្តីស្រលាញ់និងការដឹងគុណ។ ទទួលបានសេចក្តីស្រលាញ់ពីកូនម្តាយរបស់ ឡូរីន បានជូនពរកូនស្រីវិញជាពិសេសគឺជូនពរឱ្យមហាជនស្រលាញ់ចូលចិត្ត។

នៅថ្ងៃទី១១ ឧសភា ឡូរីន បានបង្ហាញសំណេរមួយនៅលើ Story បណ្តាញសង្គមរបស់ខ្លួនពីសំណេរជូនពរទៅកាន់អ្នកម្តាយជាទីស្រលាញ់។ ឡូរីន បានសរសេរទៅកាន់ម្តាយថា « Happy mother’s day mom អរគុណម៉ាក់ដែលផ្តល់កំណើត និងមើលថែកូន ទោះកូនធំហើយ ចេះរស់នៅខ្លួនឯងក៏ដោយ យ៉ាងណាក៏ម៉ាក់មិនដែលភ្លេចធ្វើនេះផ្ញើមកឱ្យដឹងកូនចូលចិត្ត នៅតែបារម្ភពេលកូនឈឺ គ្រប់បែបយ៉ាង…ការគិត និងទឹកចិត្តកូនគឺកូនបានមកពីម៉ាក់បង្រៀនកូនឱ្យក្លាយជាមនុស្សដែលស្គាល់បុណ្យបាប អំពើល្អ ការអត់ធ្មត់ ការចែករំលែកក្តីស្រលាញ់… អរគុណ ម៉ាក់ you’re the best mother for us. Please have a good health and have
a nice days every day Love you mother »។

សំណេររបស់ ឡូរីន ពោរពេញដោយក្តីស្រលាញ់ការដឹងគុណនេះម្តាយរបស់នាងបានឆ្លើយតបមកវិញដែរថា «ចាកូនស្រី ម៉ាក់រំភើបណាស់កូន គួរឱ្យស្រលាញ់ណាស់ កូនម៉ាក់ជូនពរកូនជោគជយ័គ្រប់ភារៈកិច្ច ការងារ ជីវិតគូ ជួបតែមនុស្សល្អៗ ជាមនុស្សដែលមហាជនស្រលាញ់និងចូលចិត្តវសំណាងល្អពេញមួយជីវិតកូន ម៉ាក់ចង់ឃើញកូនមានក្តីសុខជារាងរហូត Love កូនស្រី »។

កាលពីឆ្នាំ២០២៤ ឡូរីន ក៏បានបង្ហាញសេចក្តីស្រលាញ់និងបង្ហាញរូបភាពម្តាយក្នុងថ្ងៃទិវាគុណម្តាយជាមួយនឹងការជួបជុំគ្នាផ្តល់ជាបាច់ផ្កាជាដើម ខណៈមហាជនបានកោតសរសើរពីសម្រស់ម្តាយរបស់ឡូរីន ទើបបង្កើតបានកូនស្រីដ៏ស្រស់ស្អាតបែបនេះ។ គួរឱ្យដឹងថា ដ្បិតតែជាកូនស្រីស្ថិតនៅក្នុងគ្រួសារតែមានជីវិតធូធារប៉ុន្តែ ឡូរីន ធ្លាប់បានបញ្ជាក់ថាការដែលនាងចេះធ្វើម្ហូបគឺចេះមកពីម្តាយរបស់ខ្លួននិងគួបផ្សំចំណង់ចំណូលចិត្តតាំងពីក្មេងទើបធ្វើឱ្យនាងក្លាយជានារីសម័យថ្មីម្នាក់ប្រសប់ធ្វើម្ហូបដែលមហាជនសរសើរនាងជារឿយៗទៅលើចំណុចនេះ៕