ភាពយន្ត «Snow White» ឬ ព្រះនាងព្រិលស ប្រឈមនឹងហានិភ័យនៃការបាត់បង់ប្រាក់នៅពេលដែលប្រាក់ចំណូលដំបូងនៃរឿងនេះឈានដល់ ៨៧ លានដុល្លារនៅទូទាំងពិភពលោកធៀបនឹងថវិកាចំនួន ២៥០លានដុល្លារ។ មិនត្រឹមតែប៉ុណ្ណោះពិន្ទុវាយតម្លៃនៃភាពយន្តនេះគឺទាបស្ទើរតែមិនគួរឱ្យជឿ។
យោងតាម Variety ខ្សែភាពយន្តនេះបានឈរនៅលើកំពូលតារាង Box Office អាម៉េរិកខាងជើងនៅចុងសប្តាហ៍នៃថ្ងៃទី ២១-២៣ ខែមីនា ដោយរកចំណូលបាន ៤៣ លានដុល្លារ ប៉ុន្តែតួលេខនេះគឺទាបជាងការរំពឹងទុករបស់អ្នកជំនាញ។ អ្នករាយការណ៍ហូលីវូដ បាននិយាយថា ទោះបីជាទទួលបានការវាយតម្លៃជាវិជ្ជមាន ពីអ្នករិះគន់បន្ទាប់ពីការចាក់បញ្ចាំងសាកល្បងក៏ដោយខ្សែភាពយន្តនេះត្រូវបានមិនអើពើដោយទស្សនិកជន ដោយទទួលបាន B+ នៅលើ CinemaScore ។ គម្រោងនេះមានការខកចិត្តដោយសារតែមិនមានភាពទាក់ទាញគ្រប់គ្រាន់សម្រាប់អ្នកទស្សនា។ 
នៅលើវេទិកាបណ្តាញទំនាក់ទំនងសង្គម ទស្សនិកជនជាច្រើនបាននិយាយថា ពួកគេចូលចិត្តរូបភាពរបស់ Snow White ជាមួយនឹង ស្បែកសដូចព្រិល បបូរមាត់ក្រហមដូចឈាម និងសក់ខ្មៅដូចអេបូនី ខុសពីតួអង្គដែលសម្តែងដោយ Rachel Zegler ដែលជាតារាសម្តែងជនជាតិអាម៉េរិកដើមកំណើតកូឡុំប៊ី។
ខ្សែភាពយន្តនេះត្រូវបានចេញផ្សាយចំពេលមានភាពចម្រូងចម្រាសជាច្រើន។ តារាសម្តែង Peter Dinklage បានរិះគន់ គម្រោងនៃការបង្ហាញមនុស្សតឿទាំងប្រាំពីរ ដោយមានការខកចិត្តជាមួយនឹងការផ្លាស់ប្តូរនៅក្នុងខ្សែភាពយន្តសកម្មភាពផ្ទាល់។ លើសពីនេះទៀតទស្សនិកជនបានអំពាវនាវឱ្យមាន ពហិការ នៃខ្សែភាពយន្តនេះដោយសារតែតួស្រី Rachel Zegler ជាតួព្រះនាងព្រិលស និង Gal Gadot បានធ្វើសេចក្តីថ្លែងការណ៍ចម្រូងចម្រាសជាច្រើន។ បន្ទាប់ពីថតចប់ ក្រុមការងារបានចំណាយលុយ ដើម្បីថតឈុតខ្លះឡើងវិញ ដោយបង្កើនថវិការាប់លានដុល្លារ។
បើទោះជាចំណូលបីថ្ងៃដំបូងមិនដូចការរំពឹងទុកក៏ដោយ ក៏ក្រុមហ៊ុននៅតែរំពឹងថាភាពយន្តនេះនឹងកើនឡើង។ Snow White ត្រូវបានគេចាត់ទុកថាមានអត្ថប្រយោជន៍នៃការស្គាល់ម៉ាកយីហោ ហើយក្នុងពេលតែមួយមិនប្រឈមមុខនឹងគូប្រជែងជាច្រើនក្នុងអំឡុងពេលនៃការចេញផ្សាយភាពយន្តរបស់ខ្លួន។
Disney មានភាពយន្តគំនូរជីវចលដែលទទួលបានជោគជ័យជាច្រើន រួមមាន Beauty and the Beast ដែលរកចំណូលបានជាង ១.៣ ពាន់លានដុល្លារទូទាំងពិភពលោក), និងរឿងCinderella ទទួលបានជាង ៥០០ លានដុល្លារ ជាដើម។ ខ្សែភាពយន្តនេះដឹកនាំដោយ Marc Webb និពន្ធដោយ Greta Gerwig និង Erin Cressida ។ ខ្លឹមសារគឺផ្អែកលើរឿងនិទានដើមអំពីព្រះនាងព្រិលស (Snow White) សម្តែងដោយ Rachel Zegler ដែលបានបាត់បង់ឪពុកម្តាយរបស់នាង។ ធំឡើង នាងបានរស់នៅជាមួយម្តាយចុងរបស់នាង Evil Queen សម្តែងដោយ Gal Gadot ប៉ុន្តែត្រូវបានម្តាយចុងរបស់នាងធ្វើបាបដោយសារតែច្រណែននឹងសម្រស់របស់នាង។
កំណែគំនូរជីវចលឆ្នាំ ១៩៣៧ គឺជាស្នាដៃដែលគូរដោយដៃដំបូងបង្អស់របស់ពិភពលោក ដែលនាំមកនូវភាពល្បីល្បាញទូទាំងពិភពលោកដល់ Disney ។ ពេលចេញផ្សាយ ភាពយន្តនេះបានក្លាយជាភាពយន្តហូលីវូដដែលរកចំណូលបានច្រើនបំផុតនាពេលនោះ។ បន្ថែមពីលើ Snow White ក្រុមហ៊ុន Disney កំពុងរៀបចំការចេញផ្សាយ កំណែសកម្មភាពផ្ទាល់របស់ Lilo & Stitch នៅក្នុងខែឧសភា៕
