ប្រទេសឥណ្ឌូណេស៊ី ៖ កាលពីថ្ងៃទី១១ ខែមីនា ឆ្នាំ២០២៥ សារព័ត៌មាន BBC រាយការណ៍ថា នារីមូស្លីមម្នាក់ឈ្មោះ Ratu Thalisa គឺជាតារា TikTok ដ៏ល្បីល្បាញ ដែលមានអ្នកតាមដាន TikTok របស់នាង រហូតដល់៤៤ម៉ឺន២ពាន់នាក់ ត្រូវបានតុលាការឥណ្ឌូណេស៊ីកាត់ក្តីឱ្យជាប់ពន្ធ.នាគារជិត៣ឆ្នាំ ក្រោយពីគ្រិស្តសាសនិកជន ចោទប្រកាន់ថា នាងនិយាយប្រមា.ថ សាសនាគ្រិស្តក្នុងបណ្តាញសង្គម និងឱ្យព្រះយេស៊ូទៅកាក់សក់ ។.jpg)
តុលាការនៅខេត្តសុម៉ាត្រាខាងជើង បានកាត់ក្តីឱ្យស្ត្រីឈ្មោះ Thalisa ដែលទទួលការវះកាត់ប្តូរភេទ ជាប់ពន្ធនាគាររយៈពេល ២ឆ្នាំ ១០ខែ ដោយសារនាងបានផ្សព្វផ្សាយពីការស្អប់ខ្ពើមសាសនាគ្រិស្តក្នុងបណ្តាញសង្គម ។ ប៉ុន្តែការកាត់ក្តីរបស់តុលាការបានធ្វើឱ្យមន្ត្រីសិទ្ធិមនុស្សអន្តរជាតិរិះគន់យ៉ាងខ្លាំងថា វាជាការរំលោភសិទ្ធិបញ្ចេញមតិក្នុងបណ្តាញសង្គម ។.jpg)
ការនិយាយរបស់ Thalisa ធ្វើឱ្យអ្នកគោរពគ្រិស្តសាសនាពុំយល់ស្រប និងចាត់ទុកថា នាងមើលងាយសាសនា ។ មុនពេលនាងត្រូវបានតុលាការកាត់ក្តីឱ្យជាប់ពន្ធនាគារ គឺមានគ្រិស្តសាសនិកជនមួយក្រុមដាក់ពាក្យបណ្តឹងទៅសមត្ថកិច្ច ឱ្យចាត់វិធានការនាងតាមផ្លូវច្បាប់ពីបទប្រមាថសាសនា ។ ពីដំបូង តុលាការបានកាត់ក្តីឱ្យ Thalisa ជាប់ពន្ធនាគារត្រឹមតែ២ឆ្នាំ ក្រោយមក តុលាការក៏បានបន្ថែមទោស ១០ខែទៀត សរុបគឺ ២ឆ្នាំ ១០ខែ ។ តុលាការបានទុកពេលឱ្យនាង១សប្តាហ៍ ដើម្បីប្តឹងទៅតុលាការឧទ្ធរណ៍ ។ នេះបើតាមការលើកឡើងរបស់ចៅក្រម ។.jpg)
ចំណែកមន្ត្រីសិទ្ធិមនុស្សអន្តរជាតិបានថ្កោលទោសការកាត់ក្តីរបស់តុលាការថា វាជាការរំលោភសិទ្ធិសេរីភាពបញ្ចេញមតិរបស់ Thalisa ហើយពួកគេបានអំពាវនាវឱ្យរដ្ឋាភិបាលឥណ្ឌូណេស៊ីជួយអន្តរាគមន៍រឿងក្តីនេះ និងឱ្យតុលាការដោះលែង Thalisa ជាបន្ទាន់ ។
ឥណ្ឌូណេស៊ីបានអនុវត្តច្បាប់គ្រប់គ្រងពលរដ្ឋប្រើប្រាស់បណ្តាញសង្គមតាំងពីឆ្នាំ២០០៨ ហើយច្បាប់នេះត្រូវបានកែសម្រួលនៅឆ្នាំ២០១៦ ។ ប៉ុន្តែមន្ត្រីសិទ្ធិមនុស្សអន្តរជាតិបង្ហាញក្តីបារម្ភថា វានឹងបណ្តាលឱ្យមានការតល្មើសសេរីភាពពលរដ្ឋក្នុងការបញ្ចេញមតិតាមបណ្តាញសង្គម ។ តាមទិន្នន័យរបស់អង្គការលើកលែងទោសអន្តរជាតិ គឺមានពលរដ្ឋឥណ្ឌូណេស៊ី ចំនួន៤២១នាក់ ត្រូវបានតុលាការកាត់ទោសដោយសារការបញ្ចេញមតិក្នុងបណ្តាញសង្គម ចាប់ពីឆ្នាំ២០១៩ ដល់ឆ្នាំ២០២៤ ៕
