ជារៀងរាល់ថ្ងៃ អីវ៉ាន់ប្រហែល ១០០,០០០ បំណែកត្រូវបានបាត់បង់ ដោយសារវ៉ាលីនីមួយៗមានរូបរាងស្រដៀងៗគ្នាច្រើន ហើយចំនួននេះត្រូវបានគេព្យាករណ៍ថានឹងកើនឡើងក្នុងអំឡុងពេលរដូវកាលកំពូលដូចជាបុណ្យណូអែល ចូលឆ្នាំសកល និងពិធីបុណ្យផ្សេងៗទៀត។ ដូច្នេះអ្នកជំនាញមកពី 1st Move International Removals ដែលជាអង្គភាពផ្លាស់ទីអន្តរជាតិ មានមូលដ្ឋាននៅចក្រភពអង់គ្លេស បានផ្តល់ដំបូន្មានមួយចំនួនដើម្បីកាត់បន្ថយហានិភ័យនៃការបាត់អីវ៉ាន់ក្នុងអំឡុងពេលហោះហើរ។.png)
១.ថតរូបវ៉ាលីរបស់អ្នកមុនពេលផ្ញើ៖ ដើម្បីការពារអីវ៉ាន់របស់អ្នកកុំឱ្យបាត់ អ្នកជំនាញណែនាំឱ្យថតរូបអីវ៉ាន់របស់អ្នកជាមុនសិន មុនពេលផ្ញើ។ រូបថតនេះនឹងជួយបុគ្គលិកព្រលានយន្តហោះស្វែងរកអីវ៉ាន់របស់អ្នកដំណើរបានលឿន និងមានប្រសិទ្ធភាពជាងមុន។
២.បំពាក់ឧបករណ៍តាមដាន GPS៖ ដើម្បីសុវត្ថិភាពបន្ថែម ឧបករណ៍ GPS ដែលមានគុណភាពល្អគឺចាំបាច់បំផុត។ ឧបករណ៍ដូចជា Airtags និង Tile Mate អាចដាក់ក្នុងវ៉ាលីរបស់អ្នកយ៉ាងងាយស្រួល ដូច្នេះអ្នកអាចតាមដានវ៉ាលីរបស់អ្នកដោយគ្រាន់តែប្រើទូរស័ព្ទប៉ុណ្ណោះ។.png)
៣.បន្ថែមស្លាកវ៉ាលីផ្ទាល់ខ្លួន៖ អ្នកធ្វើដំណើរគួរតែមានស្លាកវ៉ាលីដែលមានគុណភាពខ្ពស់ និងងាយស្រួលចំណាំ ជៀសវាងការច្រឡំវ៉ាលីជាមួយអ្នកផ្សេង ព្រោះវ៉ាលីភាគច្រើនសុទ្ធតែស្រដៀងៗគ្នា។ ទោះជាយ៉ាងណាក៏ដោយ ស្លាកវ៉ាលីក៏អាចត្រូវបានគេទម្លាក់ ឬខូចខាតក្នុងអំឡុងពេលដឹកជញ្ជូនផងដែរ។ ក្នុងករណីនេះ អ្នកធ្វើដំណើរគួរតែបន្ថែមច្បាប់ចម្លងនៃព័ត៌មានទំនាក់ទំនង និងដំណើរផ្លូវហោះហើររបស់ពួកគេនៅក្នុងវ៉ាលី។ នេះជួយបុគ្គលិកអាកាសយានដ្ឋានភ្ជាប់ទំនាក់ទំនងជាមួយអ្នកដំណើរបានយ៉ាងឆាប់រហ័ស ប្រសិនបើអីវ៉ាន់របស់ពួកគេត្រូវបាត់បង់។
៤.ដកស្លាកវ៉ាលីចាស់ចេញ៖ ការដកស្លាកវ៉ាលីចាស់ចេញនឹងកាត់បន្ថយហានិភ័យនៃការបាត់ ឬវង្វេង។ ប្រព័ន្ធអីវ៉ាន់របស់ក្រុមហ៊ុនអាកាសចរណ៍ពឹងផ្អែកលើស្លាកត្រឹមត្រូវ និងច្បាស់លាស់ ដើម្បីផ្ញើវ៉ាលីទៅកាន់គោលដៅត្រឹមត្រូវ។ ស្លាកដែលនៅសេសសល់ពីជើងហោះហើរមុនៗអាចបណ្តាលឱ្យម៉ាស៊ីនស្កែនស្វ័យប្រវត្តិអានលេខកូដចាស់ខុស ហើយបញ្ជូនវាទៅទីតាំងខុស៕
