ផលិតកម្ម YG Entertainment ត្រូវបានគេមើលឃើញពីកំណើនដ៏គួរឱ្យចាប់អារម្មណ៍នៅក្នុងអាជីវកម្មរបស់ខ្លួន ដោយសារការកើនឡើងយ៉ាងខ្លាំងនៃក្រុមចម្រៀងនារី BABYMONSTER និងសកម្មភាពដ៏រស់រវើករបស់ TREASURE ខណៈក្រុមចម្រៀងដ៏មានឥទ្ធិពលប្រចាំផលិតកម្មត្រៀមត្រឡប់មកវិញ។ ភាពជោគជ័យនេះមិនត្រឹមតែជួយក្រុមហ៊ុនពង្រឹងជំហររបស់ខ្លួននៅក្នុងឧស្សាហកម្មកម្សាន្តកូរ៉េប៉ុណ្ណោះទេ ប៉ុន្តែថែមទាំងបើកឱកាសជាច្រើនសម្រាប់កំណើនដ៏រឹងមាំនៅឆ្នាំនេះ ជាពិសេសជាមួយនឹង ដំណើរទេសចរណ៍ពិភពលោករបស់ BLACKPINK ។
នៅក្នុងរបាយការណ៍ហិរញ្ញវត្ថុ ត្រីមាសទី៤ របស់ខ្លួន YG បានកត់ត្រាប្រាក់ចំណូលបឋមចំនួន ១០៤.១ ពាន់លានវ៉ុន (ប្រហែល ៨១.៧លានដុល្លារ) ប្រាក់ចំណេញប្រតិបត្តិការ ៩៩០ លានវ៉ុន (ប្រហែល ៧៥៨០០០ ដុល្លារ) និងប្រាក់ចំណេញសុទ្ធ ២០.៨៨ ពាន់លាន វ៉ុន (ប្រហែល ១៦.១ លានដុល្លារ) ។ ប្រៀបធៀបទៅនឹងត្រីមាសមុន ប្រាក់ចំណូលបានកើនឡើង ២៤.៦% ហើយទាំងប្រាក់ចំណេញប្រតិបត្តិការ និងប្រាក់ចំណេញសុទ្ធប្រែទៅជាវិជ្ជមាន។ 
នេះជាសញ្ញាល្អសម្រាប់ក្រុមហ៊ុនបន្ទាប់ពីមានការប្រែប្រួលក្នុងទីផ្សារតន្ត្រី និងកម្សាន្ត។ភាពជោគជ័យត្រីមាសទី ៤ របស់ ភាគច្រើនត្រូវបានជំរុញដោយសកម្មភាពរបស់សិល្បករសំខាន់ៗដូចជា BABYMONSTER និង TREASURE ។ អ្នកវិភាគ Lee Hwa-jung មកពី NH Investment & Securities បានធ្វើអត្ថាធិប្បាយថា ការលក់អាល់ប៊ុមរបស់ BABYMONSTER ភាពជោគជ័យនៅលើវេទិកាតន្ត្រីសកល និងប្រាក់ចំណូលដែលលេចចេញបានលើសពីការរំពឹងទុកដំបូងជាមួយការលក់ ៨៤០,០០០ កូពី ដែលរួមចំណែកយ៉ាងសំខាន់ដល់លទ្ធផលហិរញ្ញវត្ថុវិជ្ជមានរបស់ក្រុមហ៊ុន។ លើសពីនេះ TREASURE ក៏បានចូលរួមចំណែកក្នុងការបង្កើនការលក់តាមរយៈបទចម្រៀងឌីជីថល និងសកម្មភាពសម្តែងផងដែរ។
ឈានចូលឆ្នាំ ២០២៥ YG បន្តដាក់ការរំពឹងទុកខ្ពស់លើសកម្មភាពនាពេលខាងមុខ ជាពិសេសដំណើរទេសចរណ៍ទ្រង់ទ្រាយធំដោយ BLACKPINK, BABYMONSTER និង TREASURE ។ BLACKPINK៖ ក្រុមចម្រៀងស្រីកំពូលរបស់ក្រុមហ៊ុននឹងចាប់ផ្ដើមដំណើរប្រគំតន្ត្រីទេសចរណ៍ពិភពលោកក្នុងខែកក្កដាក្នុងប្រទេសកូរ៉េ ដោយមានការសម្ដែងចំនួន ១៣ ក្នុងទីក្រុងចំនួន១០។ BLACKPINK ត្រូវបានគេរំពឹងថានឹងមានការសម្ដែងប្រហែល ៦០ Shows នៅកីឡដ្ឋានជុំវិញពិភពលោក រួមទាំងការសម្ដែងរួមផងដែរ។ 
BABYMONSTER៖ ក្រុមចម្រៀងនារីថ្មីថ្មោងនេះនឹងមានការប្រគំតន្ត្រីទេសចរណ៍ពិភពលោកជាលើកដំបូងរបស់ពួកគេក្នុងទំហំដែលត្រូវបានគេរំពឹងថានឹងមានទំហំធំមិនធម្មតា។ ជាមួយនឹងភាពជោគជ័យនៃអាល់ប៊ុមដំបូងរបស់ពួកគេ និងប្រជាប្រិយភាពយ៉ាងទូលំទូលាយ BABYMONSTER មានសក្តានុពលក្នុងការក្លាយជាក្រុមចម្រៀងនារីជំនាន់ថ្មី ដែលជួយ YG Entertainment រក្សាសន្ទុះនៃកំណើនរបស់ខ្លួន។ 
ចាប់ផ្តើមនៅឆ្នាំ២០២៣ BABYMONSTER គឺជាក្រុមនារីជំនាន់ថ្មីពី YG Entertainment ដែលជាក្រុមហ៊ុនដែលបង្កើតភាពជោគជ័យសម្រាប់ BLACKPINK និង 2NE1៕
