គម្រោងសាងសង់អគាររដ្ឋបាលថ្មីរបស់រដ្ឋសភាកម្ពុជា ដែលជាជំនួយឥតសំណងរបស់ប្រទេសវៀតណាម បានសម្រេចការសាងសង់១០០ភាគរយហើយ ដោយនឹងដាក់ឱ្យប្រើប្រាស់ជាផ្លូវការនៅថ្ងៃ៨ មីនា ក្នុងឱកាសខួបទី១១៤ទិវាអន្តរជាតិនារី។
អគារនេះ មានតម្លៃ២៥លានដុល្លារ កម្ពស់១២ជាន់ ដែលប្រទេសវៀតណាម ជូនដល់រដ្ឋសភាកម្ពុជា ដោយចាត់ទុកជានិមិត្តរូបនៃចំណងមិត្តភាពកម្ពុជា-វៀតណាម។
អគាររដ្ឋបាលថ្មីរបស់រដ្ឋសភាថ្មី បានបើកការដ្ឋានសាងសង់កាលពីចុងឆ្នាំ២០២១ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាពញាចក្រី ហេង សំរិន ប្រធានរដ្ឋសភានីតិកាលទី៦និង អតីតប្រធានរដ្ឋវៀតណាម ឯកឧត្តម ង្វៀង ស៊ុនហ្វុក។.png)
អគារនេះ បានបំពាក់មកជាមួយសម្ភារៈទំនើប ដែលមានការិយាល័យរបស់គណៈកម្មការជំនាញរដ្ឋសភា សាលប្រជុំ ការិយាល័យរបស់មន្រ្តីអគ្គលេខាធិការដ្ឋានរដ្ឋសភា អមជាមួយនឹងរចនាបថស្ថាបត្យកម្មខ្មែរថែមទៀតផងដែរ៕
