ប្រទេសឡាវ ៖ ពលរដ្ឋឡាវបានបង្ហាញការសោកស្តាយ និងចូលរួមរំលែកទុក្ខដល់អ្នកនាង វីឡៃ ខាំ ជាម្ចាស់ប្រេនផលិតផលអនឡាញ និងម្ចាស់ហាងថែរក្សាសម្ឆស្សដ៏ល្បី ដែលបានស្លា.ប់ ទាំងវ័យក្មេងក្នុងហេតុការណ៍ភ្លើងឆេះផ្ទះវីឡានៅទីក្រុងវៀងច័ន្ទន៍ កាលពីវេលាម៉ោង៥ទៀបភ្លឺ ថ្ងៃទី២៥ ខែកុម្ភៈ ឆ្នាំ២០២៥ ខណៈស្វាមីរបស់នាង បានរត់គេចពីភ្លើងទាន់ពេលវេលា ។ បច្ចុប្បន្ន សមត្ថកិច្ចកំពុងស្រាវជ្រាវរកមូលហេតុ ដែលបង្កឱ្យមានភ្លើងឆេះផ្ទះវីឡាម្ចាស់ប្រេនផលិតផលអនឡាញ ។.jpg)
ហ្វេសប៊ុកផេកឈ្មោះ Laophattana News បានបង្ហោះរូបភាពភ្លើងឆេះផ្ទះវីឡាដ៏ធំមួយកន្លែងនៅឃុំសាយថានី ក្នុងទីក្រុងវៀងច័ន្ទន៍ ប្រទេសឡាវ និងសរសេរថា ៖ «ភ្លើងឆាបឆេះផ្ទះវីឡារបស់ម្ចាស់ប្រេនផលិតផលអនឡាញ នៅភូមិផាក្វា ឃុំសាយថានី ទីក្រុងវៀងច័ន្ទន៍ កាលពីវេលាម៉ោង៥ទៀបភ្លឺ ថ្ងៃទី២៥ ខែកុម្ភៈ ឆ្នាំ២០២៥» ។.jpg)
តាមការចែកចាយវីដេអូរបស់អ្នកលេងបណ្តាញសង្គមឡាវ គេបានឃើញភ្លើងឆេះផ្ទះវីឡាយ៉ាងឆាប់រហ័ស ធ្វើឱ្យផ្ទះវីឡាក្លាយជាសមុទ្រភ្លើង ។ ភ្នាក់ងារពន្លត់អគ្គិភ័យបានប្រមូលកម្លាំងមកកាន់កន្លែងកើតហេតុ និងប្រើប្រាស់រថយន្តបាញ់ទឹកចំនួន៥គ្រឿង ដោយបានសហការជាមួយអ្នកស្រុកជួយគ្នាពន្លត់ភ្លើង ។ ប៉ុន្តែគេពុំដឹងថា តើភ្លើងឆេះនេះបណ្តាលមកពីមូលហេតុអ្វីទេ ប៉ុន្តែមានស្ត្រីម្នាក់ជាប់ក្នុងផ្ទះវីឡា ចេញពុំរួច ហើយអ្នកលេងបណ្តាញសង្គមអះអាងថា នាងឈ្មោះ វីឡៃ ខាំ ជាម្ចាស់ប្រេនផលិតផលអនឡាញ ។
ក្រោយមក សារព័ត៌មានឡាវរាយការណ៍ថា អ្នកនាង វីឡៃ ខាំ អាយុ៣១ឆ្នាំ បានស្លាប់ក្នុងគំនរភ្លើងនៅបន្ទប់ជាន់ទី២ របស់ផ្ទះវីឡា ដោយសារភ្លើងឆេះគ្រប់កន្លែង ហើយនាងរត់ពុំទាន់ ខណៈស្វាមីរបស់នាង រត់គេចពីភ្លើងទាន់ពេលវេលា ។ បច្ចុប្បន្ន សមត្ថកិច្ចឡាវកំពុងស្រាវជ្រាវរកមូលហេតុដែលបណ្តាលឱ្យភ្ញៀវឆេះផ្ទះវីឡាម្ចាស់ប្រេនផលិតផលអនឡាញដ៏ល្បីនេះ ។.jpg)
អ្នកលេងហ្វេសប៊ុកម្នាក់ដែលបានផ្សាយបន្តផ្ទាល់ពីហេតុការណ៍ភ្លើងឆេះផ្ទះវីឡា និយាយថា ភ្នាក់ងារពន្លត់ភ្លើងអាចគ្រប់គ្រងស្ថានការណ៍បានហើយ ។ ក្នុងការផ្សាយផ្ទាល់នេះ គេបានឃើញស្លាកសញ្ញានៅមុខផ្ទះវីឡា សរសេរថា «មជ្ឈមណ្ឌលកែសម្ឆស្ស DEVER BEAUTY» ៕
