ក្នុងឱកាសបុណ្យចូលឆ្នាំថ្មីប្រពៃណីជាតិឆ្នាំម្សាញ់ ដែលនឹងចូលមកដល់នៅថ្ងៃទី១៤ ខែមេសាខាងមុខ រដ្ឋបាលខេត្តសៀមរាប គ្រោងនឹងរៀបចំព្រឹត្តិការណ៍អង្គរសង្ក្រាន្តឱ្យកាន់តែធំជាងមុន។.png)
រដ្ឋបាលខេត្ត គ្រោងនឹងរៀបចំនៅពីរទីតាំងផ្សេងគ្នាដែលក្នុងនោះ៖
ទីតាំងទី១.រៀបចំនៅប្រាសាទអង្គរវត្ត
ទីតាំងទី២.នៅសួន ក្នុងក្រុងសៀមរាប ប្របនឹងដងស្ទឹងប្រវត្តិសាស្រ្ត ដែលនឹងប្រព្រឹត្តទៅនៅ ថ្ងៃទី ១៤-១៦ ខែមេសា ឆ្នាំ ២០២៥ ខាងមុខ។
បន្ថែមពីនេះ ដើម្បីធានាដល់ភាពរលូននៃការរៀបចំព្រឹត្តិការណ៍អង្គរសង្ក្រាន្ត រដ្ឋបាលខេត្តសៀមរាប ក៏បានស្នើដល់ម្ចាស់ សណ្ឋាគារ ផ្ទះសំណាក់ ភោជនីយដ្ឋាន សូមមេត្តាកុំដំឡើងថ្លៃ ដែលអាចផ្តល់ផលប៉ះពាល់ដល់ភ្ញៀវទេសចរមកកម្សាន្តក្នុងព្រឹត្តិការណ៍អង្គរសង្ក្រាន្ត។
សូមរំលឹកថា ព្រឹត្តិការណ៍អង្គរសង្ក្រាន្ត រៀបចំឡើងនៅខេត្តសៀមរាបតាំងពីឆ្នាំ២០១៣ រហូតដល់ឆ្នាំ២០២៣ តែក៏បានអាក់ខានមួយឆ្នាំកាលពីឆ្នាំ២០២៤កន្លងទៅ៕
