ទន្ទឹមនឹង ម៉ាដូណា បានបង្ហោះរូបភាព ស្រីខ្ញុង ពីរឿងលុយកាក់មិនទូទាត់ឱ្យខ្លួនស្រាប់តែលោក អ៊ឹម ជីវ៉ា បានចូលទៅខម្មិនថា ស្រីខ្ញុង តាំងពីនៅជាមួយនឹង Love Riya សម្តីឈ្លើយ លេងទឹកមុខសាហាវ។
ប្រិយមិត្តមួយចំនួនជ្រាបមកហើយថា កាលពីថ្ងៃទី៤ កុម្ភៈ ម៉ាដូណា បានបង្ហោះរូបភាព ស្រីខ្ញុង អមដោយសម្តីធ្ងន់ៗថានាងជាអ្នកសិល្បៈថោកទាបបំផុតកំពូលកុហករកលេខដាក់គ្មានមិនដឹងគុណអ្នកជួយហើយនិយាយយកខ្លួនឯងល្អ។ ការបង្ហោះរបស់ ម៉ាដូណា បានធ្វើឱ្យអ្នកលេងបណ្តាញសង្គមនិងអ្នកសិល្បៈមួយចំនួនចាប់អារម្មណ៍យ៉ាងខ្លាំង។ ក្នុងនោះ លោក អ៊ឹម ជីវ៉ា ក៏បានចូលទៅខម្មិនលើការបង្ហោះរបស់ ម៉ាដូណា ហើយអ្នកទាំងពីរបានឆ្លងឆ្លើយគ្នាយ៉ាងក្តៅគគុក។
លោក អ៊ឹម ជីវ៉ា បានខម្មិនថា «កាលពីមុនអាណិតខ្ញុង គាត់ធ្លាប់ឆាតមកពឹងខ្ញុំដែរ តែខ្ញុងតាំងពីនៅមួយ love Riya សំដីឈ្លើយណាស់..សំដីឈ្លើយមធ្យម ងំលេងទឹកមុខសាហាវ»។ ឃើញការខម្មិននេះ ម៉ាដូណា បានតបថា ប្រយ័ត្នគេប្តឹង ព្រោះតែសរសេរឈ្មោះគេស្មើនឹងបរិហាកេរ្តិ៍។ ទោះយ៉ាងណា លោក អ៊ឹម ជីវ៉ា ថាឱ្យប្តឹងមកស្វាគមន៍២៤ម៉ោងតែបើលោកប្តឹងវិញកុំថាលោកអត់យោគយល់ ព្រោះគ្រាន់តែជាមតិរិះគន់ និងថាខ្ញុងជាអ្នកសិល្បៈ សាធារណៈ តែសំដីរាងឈ្លើយគេថាឈ្លើយហើយ បើមានគេថាចឹងអរគុណគេហើយកែខ្លួនទៅ ។
លោក អ៊ឹម ជីវ៉ា លើកឡើងទៀតថា.. «តែបើគាត់(ស្រីខ្ញុង) គាត់ថាគាត់ខ្លាំងពូកែគាត់ ប្តឹងទៅ សំដីប៉ុណ្ណឹងដល់ថ្នាក់ប្តឹងក៏ល្អមើលដែរ លោកស្វាគមន៍បើគាត់ប្តឹង មិនអីទេ …! ខ្លាចតែ ម៉ាដូណាទេ ផុសរូបគេជេរគេពេញនឹងប្រយ័ត្នពីម្ចាស់បំណុលមកជាជនជាប់បណ្តឹង»៕
