រឿងរ៉ាវរបស់តារាសម្តែងចិនល្បីឈ្មោះ Zhao Lusi នៅតែពេញនិយមនៅលើបណ្តាញសង្គមចិនដែលបង្កើតទៅជាប្រធានបទជាច្រើនមានទាំងអតីតអ្នកគ្រប់គ្រង ការស្វែងរកអតីតគូស្នេហ៍របស់នាងមកជាមួយដែលបណ្តាលឱ្យនាងមានជំងឺបាក់ទឹកចិត្តធ្ងន់ធ្ងរ។ សាច់រឿងរបស់តារាស្រីវ័យ២៦ឆ្នាំរូបនេះបានឆ្លុះបញ្ចាំងឱ្យទស្សនិកជនឃើញថានៅពេលដែលនាងមានទម្ងន់៥៥គីឡូក្រាមនាងត្រូវបានអតីតអ្នកគ្រប់គ្រងស្តីបន្ទោសថានាងធាត់ពេករងនូវសម្តីជាច្រើនថានាងជា «តារាស្រីធាត់បំផុត» ខណៈពេលនាងស្រកទម្ងន់ត្រូវរងនូវពាក្យចចាមអារ៉ាមថាវះកាត់កែសម្ផស្ស។
ស្ថានភាពសុខភាពផ្លូវកាយ និងផ្លូវចិត្តរបស់ Zhao Lusi ទទួលបានការចាប់អារម្មណ៍ពីទស្សនិកជនជាច្រើន។ បច្ចុប្បន្ននាងមានទម្ងន់ចន្លោះពី៣៩ទៅ៤០គីឡូក្រាម មានកម្ពស់ប្រហែល ១,៦ ម៉ែត្រ ហើយកំពុងប្រឹងប្រែងឡើងទម្ងន់។ Lusi បាននិយាយថា នាងមិនដែលមានពេលសម្រកទម្ងន់នោះទេ នាងញ៉ាំជាធម្មតា។ ឪពុកម្តាយរបស់នាងក៏ឧស្សាហ៍ធ្វើម្ហូបសម្រាប់តារាស្រីរូបនេះដែរ ប៉ុន្តែទម្ងន់របស់នាងនៅតែស្រក ដែលធ្វើឱ្យគ្រួសារអាណិតនាងយ៉ាងខ្លាំង។
មិត្តភ័ក្តិរបស់ Zhao Lusi បង្ហើបថារូបនេះត្រូវស្រមោលអតីតកាលលងបន្លាចដោយសារតែមនុស្សក្នុងក្រុមហ៊ុនគ្រប់គ្រងបានរិះគន់រូបរាងរបស់នាង។ ក្នុងឆ្នាំ ២០១៩ ថៅកែ Zhao Lusi បានហៅនាងចូលទៅក្នុងបន្ទប់ទឹក ហើយជេរនាងអស់រយៈពេល ២ ម៉ោង ដោយនិយាយថា តួស្រីធាត់ពេក ដូច្នេះនាងមិនត្រូវបានជ្រើសរើសឱ្យដើរតួសំខាន់ គ្មានប្រយោជន៍ មិនល្អដូចអ្នកដទៃ។
នៅពេលនោះ Zhao Lusi មានទម្ងន់ ៥៥ គីឡូក្រាម និងមានមុខរាងមូល។ ដោយសារតែគំនិតសោភ័ណភាពដ៏ពេញនិយមនៃ «ស, ក្មេង, ស្គម» Zhao Lusi បានទទួលមតិរាប់ម៉ឺននាក់ «តារាសម្តែងធាត់បំផុត» ។ ពីឆ្នាំ ២០២៣ ដល់ឆ្នាំ ២០២៤ ទស្សនិកជនបានកត់សម្គាល់ឃើញថារូបរាងរបស់ Zhao Lusi បានផ្លាស់ប្តូរយ៉ាងខ្លាំង។ នាងត្រូវបានពាក្យចចាមអារ៉ាមឥតឈប់ឈរថា «ធាត់» និង «កែមុខ» ។
នៅលើទំព័រផ្ទាល់ខ្លួនរបស់នាងកាលពីថ្ងៃទី១ ខែមករា តារារូបនេះបាននិយាយថា មានពេលមួយដែលនាងអស់កម្លាំងទាំងផ្លូវកាយ និងផ្លូវចិត្ត ហើយទម្ងន់ខ្លួនរបស់នាងគឺតិចជាង ៣៨ គីឡូក្រាម។ តារាស្រីរូបនេះបានសារភាពថាមានជំងឺធ្លាក់ទឹកចិត្តតាំងពីឆ្នាំ ២០១៩ ប៉ុន្តែនៅពេលនោះមិនបានយកចិត្តទុកដាក់លើសុខភាពផ្លូវចិត្តរហូតដល់ចុងក្រោយនេះនាងធ្លាក់ខ្លួនឈឺកាន់តែធ្ងន់ធ្ងរអំឡុងពេលកំពុងថតរឿង «Almost Lover» ៕
