អ្នកគាំទ្រវិស័យបវរកញ្ញាបានប្រៀបធៀបទៅលើបវរកញ្ញាពីររូបគឺ Thae Su Nyein បវរកញ្ញាមីយ៉ាន់ម៉ា បោះបង់ចោលតំណែងលំដាប់រងទី២ Miss Grand International 2024 ក៏មានការងារហូរចូលមិនខ្វះផ្សាយសុទ្ធតែគ្រឿងពេជ្រ ចំណែកឯបវរកញ្ញាឥណ្ឌា Rachel Gupta ដែលជាម្ចាស់មកុដកម្មវិធី Professional ទាំងមូល Live លក់គ្រឿងចាប់ហួយដូចជាប្រហុក ទឹកត្រី កាពិ ប្រេងកូឡា ជាដើម។
ភាពចម្រូងចម្រាសនៅលើបណ្តាញសង្គមមានរឿងត្រូវជជែកមិនទាន់ចប់ចំពោះកម្មវិធី Miss Grand របស់លោក ណាវ៉ាត់ ចាប់តាំងពីមានរឿងជាមួយកម្ពុជាមកហាក់ជួបប្រទះពីបញ្ហា មួយទៅមួយ។ ជាក់ស្តែងថ្មីៗនេះ Fan Page ដ៏ល្បីមានអ្នកតាមដានជិត៤លាននាក់មានឈ្មោះថា « Missosology» ក៏បានបង្ហោះវីដេអូដែលម្ចាស់មកុដ MGI 2024 និងលោក ណាវ៉ាត់ ដែលកំពុង Live លក់ផលិតផលដោយឱ្យអ្នកគាំទ្រវិស័យបវរកញ្ញាសម្តែងការយល់ឃើញរបស់ខ្លួនចំពោះការធ្វើបែបនេះ។ អ្នកគាំទ្របវរកញ្ញាជាច្រើនបានបញ្ចេញមតិមិនយល់ស្របដោយឱ្យម្ចាស់មកុដទាំងមូលមកធ្វើបែបនេះទាំងពាក្យស្លោកនៃកម្មវិធី បញ្ឈប់សង្គ្រាមនិងអំពើហិង្សា តែគិតរឿងលុយចូលហោប៉ៅច្រើនជាង។
ជាមួយនឹងរូបភាពម្ចាស់មកុដ MGI 2024 Live លក់គ្រឿងចាប់ហួយនេះអ្នកគាំទ្រខ្លះក៏បានប្រៀបធៀបជាមួយនឹងបវរកញ្ញាមីយ៉ាន់ម៉ា Thae Su Nyein បោះបង់លំដាប់រងទី២នៅក្នុងកម្មវិធីនេះបែរជាមានវាសនាខ្ពស់ជាងម្ចាស់មកុដទៅទៀត Live លក់គ្រឿងអលង្ការពេជ្រជាមួយ ND របស់ខ្លួនយ៉ាងសប្បាយរីករាយ។
ដោយសារតែចក្ខុវិស័យរបស់ស្ថាបនិក Miss Grand International របស់លោក ណាវ៉ាត់ ឱ្យម្ចាស់មកុដ Live លក់របស់កញ្ចេកកញ្ចប់មិនសមនឹងពាក្យថា Queen និងមកុដពាក់នៅលើក្បាលទើបថ្មីៗនេះ ND Miss Grand India បានប្រកាសបញ្ចប់ទំនាក់ទំនងជាមួយកម្មវិធីនេះក្រោមហេតុផលទទួលស្គាល់ថាចក្ខុវិស័យ និងគោលដៅរបស់ស្ថាប័នទាំងពីរមានភាពខុសគ្នាទោះបីឥណ្ឌាទើបទទួលបានមកុដ MGI លើកដំបូងក្នុងប្រវត្តិសាស្រ្តក៏ដោយ៕
