ចាប់ពីថ្ងៃទី០១ ខែវិច្ឆិកា ឆ្នាំ២០២៤ នេះតទៅ ក្រុមហ៊ុនផ្លូវល្បឿនលៀនភ្នំពេញ- ក្រុងព្រះសីហនុ នឹងចាប់ផ្តើមគិតថ្លៃសេវាធ្វើដំណើរក្នុងតម្លៃពេញ ជាតម្លៃដើមពីក្រុមហ៊ុនវិញ។
ចំពោះការបញ្ចុះតម្លៃ២០ភាគរយ ដែលធ្លាប់បានផ្តល់ជូនសាធារណជនកាលពីមុន ត្រូវបានបញ្ចប់នៅម៉ោង១២យប់ថ្ងៃទី៣១ ខែតុលា ២០២៤។.png)
តែយ៉ាងណាមិញ ក្រុមហ៊ុនផ្លូវល្បឿនលឿននៅតែបន្តបំពាក់ឧបករណ៍ ETC ដោយឥតគិតថ្លៃ ជូនសាធារណជន ដោយគ្រាន់តែបញ្ចូលទឹកប្រាក់ក្នុងគណនីចំនួន២០ដុល្លារ ដោយការស្នើរសុំឧបករណ៍ ETC អាចធ្វើនៅតាមអគាររដ្ឋបាលនៅគ្រប់ច្រកចូលផ្លូវល្បឿនលឿន និងមជ្ឈមណ្ឌលផ្តល់សេវាកម្ម ETC ដែលមានទីតាំងនៅខាងស្តាំដៃបញ្ជរបង់ប្រាក់ភ្នំពេញ និងក្រុងព្រះសីហនុ។
គួរបញ្ជាក់ផងដែរថា កន្លងមក ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ បានបញ្ចុះតម្លៃសេវាធ្វើដំណើរចំនួន ២០ភាគរយ ចំពោះរថយន្តគ្រប់ប្រភេទក្នុងរយៈជាង២ឆ្នាំលើអតិថិជនដែលប្រើប្រាស់គន្លង ETC និង ANPR ដោយគិតចាប់ពីថ្ងៃទី០១ ខែវិច្ឆិកាឆ្នាំ២០២២ រហូតដល់ថ្ងៃទី៣១ ខែតុលា ឆ្នាំ២០២៤៕
