(ភ្នំពេញ) ថ្ងៃទី៣ ខែវិច្ឆិកា ឆ្នាំ២០២៤៖ កាលពីរាត្រីថ្ងៃសៅរ៍ ទី 02 ខែវិច្ឆិកា ឆ្នាំ 2024 មហាព្រឹត្តិការណ៍ប្រគំតន្ត្រីខ្នាតយក្សលំដាប់ពិភពលោក GANZBERG Super Idol Concert រដូវកាលទី 2 បានធ្វើឱ្យកក្រើកកោះពេជ្រ អង្រួនបេះដូងអ្នកគាំទ្រដែលបានចូលរួមយ៉ាងច្រើនកកកុញក្រោមដំណក់ភ្លៀង និងស្រែកហ៊ោកញ្ជ្រៀវស្វាគមន៍វត្តមានរបស់កំពូលតារាចម្រៀង K-POP លោក PSY និងតារាចម្រៀងល្បីៗលំដាប់ប្រទេសជាច្រើនរូបទៀត។
ក្រៅពីវត្តមានចូលរួមសម្ដែងពីសំណាក់កំពូលតារាចម្រៀង K-POP លោក PSY ក៏មានការចូលរួមពីតារាចម្រៀងល្បីៗលំដាប់ប្រទេសផងដែរ រួមមានដូចជា ជីម៉េងហ្ស៊ី (Gmengz) ក្មេងខ្មែរ (Kmeng Khmer) ឃីងឈី (King Chi) រុតកូ ft ជាមួយ វុទ្ធា (Ruthko ft Vuthea) ខ្វាន់ (Kwan) ទេព បូព្រឹក្ស DJ Avida ft MC និង DJ Taylor និងពិធីករ និងពិធីការិនីដ៏មានថ្វីមាត់ទាំង 3 រូបរួមមានតារាពិធីការិនីជនជាតិកូរ៉េ ដ៏ស្រស់សោភា MC Neary Korea ផងដែរ។
កំពូលតារាចម្រៀង K-POP លោក PSY បានសម្តែងផ្ទាល់នូវបទ “Gangnam style” ចំណែកកំពូលតារាចម្រៀងស្រី ទេព បូព្រឹក្ស បានដឹកនាំក្រុមសម្ដែងមួយក្រុមធំសម្ដែងនូវទស្សនីយភាពដ៏អស្ចារ្យនៃបទចម្រៀង “ទេវរាជ” ដែលឆ្លុះបញ្ចាំងពីភាពអស្ចារ្យនៃអារ្យធម៌ខ្មែរ ដែលធ្វើឱ្យអ្នកចូលរួមទស្សនាផ្ទាល់មិនអាចបំភ្លេចបាន។ 
ឆ្នាំ ២០២៥ GANZBERG នឹងមានការប្រគំតន្ត្រីខ្នាតយក្សលំដាប់ពិភពលោក GANZBERG Super Idol Concert រដូវកាលទី 3 ដែលនឹងនាំយកតារាចម្រៀងអន្តរជាតិល្បីៗជាកំពូល IDOL រួមទាំងកំពូលតារាចម្រៀងក្នុងស្រុកជាច្រើនរូបទៀត។ ដូចនេះកុំភ្លេចតាមដាននៅលើផេកផ្លូវការ BEER GANZBERG ទាំងអស់គ្នាដើម្បីរកទិញសំបុត្រ!!! 
សូមអរគុណអតិថិជនដែលទិញ GANZBERG អ្នកទាំងអស់គ្នាគឺមានចំណែកការប្រគំតន្ត្រីលំដាប់ ពិភពលោក។ បន្តទិញ GANZBERG ដើម្បីឱ្យមានព្រឹត្តិការណ៍លំដាប់ពិភពលោកបន្តទៀត!
សូមពិសាដោយការខុសត្រូវ!
