ធ្លាយពាក្យចចា.មអា.រ៉ាមនិងព័ស្ដុតាងទំនាក់ទំនង Liu Yifei ជាមួយនឹងតារាសម្ដែង Li Xian

កាលពីថ្ងៃទី១៥ ខែតុលា សារព័ត៌មាន China Press បានរាយការណ៍ថា Liu Yifei និងមិត្តរួមសម្តែង Li Xian ដែលមានអាយុតិចជាងគ្នា ៤ឆ្នាំត្រូវបានមានពាក្យចចាមអារ៉ាមថាកំពុងទាក់ទងគ្នា បង្កឱ្យមានការភ្ញាក់ផ្អើលនៅលើបណ្តាញសង្គមចិន។ Hashtag «Liu Yifei និង Li Xian បានជិះឡានដូចគ្នា» ទទួលបានអ្នកចូលមើល ២៥០ លានដង និងមតិជាង ៣០,០០០ ដែលបង្ហាញពីចំណាប់អារម្មណ៍យ៉ាងខ្លាំងរបស់សាធារណជនចំពោះជីវិតស្នេហារបស់តារាស្រីរូបនេះ។

យោងតាមរបាយការណ៍ ប៉ាប៉ារ៉ាស៊ីដ៏ល្បីល្បាញរបស់ចិន ដែលគេស្គាល់ថា Bai Xiao Sheng បានបង្ហោះវីដេអូរបស់ Liu Yifei ចូលឡានដែលនាងប្រើញឹកញាប់។ គួរកត់សម្គាល់ថា Li Xian ម្តងម្កាលប្រើប្រាស់រថយន្តដូចគ្នា ដែលនាំឱ្យមានការរំពឹងទុកថាទំនាក់ទំនងរបស់ពួកគេប្រហែលជាលើសពីមិត្តរួមការងារ។ អ្នកខាងក្នុងម្នាក់ទៀតបានបង្ហើបថា Li Xian បានលង់នឹង Liu Yifei ពេលកំពុងថតរឿង «Meet Yourself” ហើយទំនាក់ទំនងរបស់ពួកគេគឺច្រើនជាងមិត្តភាព។ ទោះបីជាយ៉ាងណាក៏ដោយ ថាតើ Li Xian នឹងទទួលបានជោគជ័យក្នុងការតាមស្រលាញ់នាងនៅមិនទាន់ច្បាស់នៅឡើយ។

យោងតាម QQ បានឱ្យដឹងថា Li Xian និង Liu Yifei ត្រូវបានសរសើរថាជាគូស្នេហ៍ដែលមើលទៅល្អជាមួយគ្នា។ កាលពីមុន Liu Yifei គ្រាន់តែទទួលស្គាល់ជាសាធារណៈនូវទំនាក់ទំនងរបស់នាងជាមួយមិត្តប្រុសកូរ៉េខាងត្បូង Song Seung-heon ។ ទោះជាយ៉ាងណាក៏ដោយ ស្នេហានេះមិនស្ថិតស្ថេរនោះទេ ដោយសារតែទំនាក់ទំនងរបស់ពួកគេនៅឆ្ងាយ ហើយពួកគេបានប្រកាសចែកផ្លូវគ្នានៅឆ្នាំ ២០១៨។ ម្យ៉ាងវិញទៀត Liu Yifei ត្រូវបានគេចាត់ទុកថាកំពូលតារាជា ជាមួយនឹងរូបរាង កេរ្តិ៍ឈ្មោះខ្ពស់ និងទ្រព្យសម្បត្តិដ៏សម្បើម ដែលធ្វើឲ្យមនុស្សតិចណាស់ហ៊ានដេញតាមស្រលាញ់នាង។

ទន្ទឹមនឹងនោះ Li Xian ក៏ជាតារាក្នុងបញ្ជី A ដែលគេទទួលបានការគោរពយ៉ាងខ្លាំងចំពោះជំនាញសម្ដែង និងអនាគតសិល្បៈរបស់លោក។ តាំងពីមានឈ្មោះបោះសំឡេងមក តារាសម្ដែងរូបនេះកម្រមានរឿងអាស្រូវណាស់ ដោយផ្ដោតលើអាជីពសម្ដែងជំនួសវិញ។ របៀបរស់នៅរបស់លោកត្រូវបានគេនិយាយថាត្រូវគ្នាជាមួយនឹង Liu Yifei ៕