នៅថ្ងៃទី៣ ខែកញ្ញា ប្រព័ន្ធផ្សព្វផ្សាយ Biz Korea បានរាយការណ៍ថា ថ្មីៗនេះ J-hope បានទិញ penthouse នៅក្នុងផ្ទះល្វែងលំដាប់ខ្ពស់ក្នុងទីក្រុងសេអ៊ូលក្នុងតម្លៃ ១២ ពាន់លានវ៉ុន (ប្រហែលជិត ៩ លានដុល្លារ) ជាសាច់ប្រាក់ទាំងស្រុង។ វាក៏ត្រូវបានគេបង្ហាញផងដែរថាមួយខែក្រោយមកតារាល្បីឈ្មោះរូបនេះបានទិញបន្ទប់បន្ថែមមួយនៅជាន់ក្រោម penthouse។
យោងតាមរបាយការណ៍ J-hope បានចុះហត្ថលេខាលើកិច្ចសន្យាសម្រាប់យូនីតជាន់ក្រោមនៅក្នុងខែមិថុនា ឆ្នាំ២០២០ ហើយបានបញ្ចប់ការបង់ប្រាក់ពេញលេញនៅក្នុងខែកក្កដា ឆ្នាំ២០២៤នេះ ដោយផ្ទេរកម្មសិទ្ធិជាផ្លូវការ។ តម្លៃទីផ្សារបច្ចុប្បន្នសម្រាប់អាផាតមិនទាំងនេះមានចាប់ពី ១១ពាន់លានដល់ ១២ ពាន់លានវ៉ុន (ប្រហែល ៨.២ ទៅ ៨.៩ លានដុល្លារ)។ ដោយសារ J-hope មិនបានយកប្រាក់បញ្ចាំមក គេបានប៉ាន់ប្រមាណថា J-hope បានចំណាយប្រាក់ជាង ២០ ពាន់លានវ៉ុន (ជាង១៦លានដុល្លារ) ជាសាច់ប្រាក់ដើម្បីទិញអាផាតមិនទាំងពីរ។
នេះមិនមែនជាលើកទីមួយទេ ដែល J-hope វិនិយោគលើអចលនទ្រព្យដ៏ប្រណីត។ កាលពីមុនសមាជិកBTS រូបនេះបានទិញផ្ទះល្វែងលំដាប់ខ្ពស់ពីរផ្សេងទៀត។ ជាមួយនឹងការទិញទាំងនេះ ពេលនេះ J-hope កាន់កាប់លំនៅដ្ឋានប្រណីតសរុបចំនួន ៤ ដែលពង្រឹងឋានៈរបស់លោកជា «អ្នកមានវ័យក្មេង» ដែលសរុបជាទឹកប្រាក់ប្រហែលជា២០.១លានដុល្លារ។ គួរបញ្ជាក់ថា J-hope បានចុះឈ្មោះចូលបម្រើយោធាជាទាហានសកម្មនៅថ្ងៃទី ១៨ ខែមេសា ឆ្នាំ២០២៣ ហើយគ្រោងនឹងបញ្ចប់កាតព្វកិច្ចនេះនៅខែតុលានេះ៕.png)
