នៅយប់ថ្ងៃទី៣ សីហា កម្មវិធីប្រកួត Miss Grand Vietnam 2024 បានរកឃើញម្ចាស់ជ័យលាភីហើយគឺបានទៅលើ វ៉ូឡឺ ឃ្យូអាញ់ ( Vo Le Que Anh) ដោយបេក្ខភាពសរុបមានចំនួន៣៥នាក់។ ម្ចាស់ជ័យលាភីនេះមានអាយុ២៣ឆ្នាំ តំណាងឱ្យខេត្ត ក្វាងណាម (Quang Nam) មានកម្ពស់១.៧២ ម៉ែត្រនិងមានជំនាញទន់ជាច្រើន។ ទោះយ៉ាងណាម្ចាស់មកុដឆ្នាំនេះទទួលរងនូវការមិនពេញចិត្តជាច្រើនពីសំណាកហ្វេនៗអ្នកគាំទ្រវិស័យបវរកញ្ញា ចំណែកឯមួយផ្នែកទៀតក៏ពេញចិត្តការតស៊ូរបស់នាង។
មហាជនជាច្រើនបានគាំទ្រការខិតខំប្រឹងប្រែងរបស់នាងក្នុងការប្រលងសម្រស់។ ទន្ទឹមនឹងនោះ មហាជនជាច្រើនបានគិតថា ជ័យជំនះរបស់នាងមិនគួរឱ្យជឿឡើយបើធៀបនឹងលំដាប់រងទី១ ផាន់ឡេ ហាញង្វៀន (Phan Lê Hạnh Nguyên) ដែលមានចម្លើយយ៉ាងស្ទាត់ជំនាញ និងទាក់ទាញការចាប់អារម្មណ៍កាន់តែខ្លាំងពីទស្សនិកជន។ មុនការប្រកួតវគ្គផ្ដាច់ព្រ័ត្រ លើវេទិកាសម្រស់ Que Anh មិនស្ថិតនៅក្នុងការទស្សន៍ទាយក្នុងការជាប់ចំណាត់ថ្នាក់កំពូលទេ ខណៈប្រជាប្រិយភាពលំដាប់រងទី១មានសន្ទុះការគាំទ្រក្នុងការក្លាយជាម្ចាស់មកុដ។
បើតាមប្រធានគណៈវិនិច្ឆ័យ Ha Kieu Anh បាននិយាយថា Que Anh បានធ្វើឱ្យចៅក្រមចាប់អារម្មណ៍តាំងពីជុំទីមួយនៃការប្រកួត ហើយតាមរយៈសកម្មភាពជាច្រើន បេក្ខនារីរូបនេះមានរូបរាងភ្លឺស្វាង រាងកាយមានតុល្យភាព និងជំនាញភាសាបរទេសល្អ។ ប្រធានការប្រកួតបាននិយាយថា Que Anh បានផ្លាស់ប្តូរជារៀងរាល់ថ្ងៃនៃការប្រកួត ដោយព្យាយាមពង្រឹងជំនាញ និងកាន់តែមានទំនុកចិត្តក្នុងដំណាក់កាលចុងក្រោយ។ ម្ចាស់មកុដនេះមានធាតុផ្សំដែលត្រូវគ្រងមកុដ និងមានលទ្ធភាពជាច្រើនសម្រាប់ការអភិវឌ្ឍន៍នាពេលអនាគត។
គួរឱ្យដឹងថា Miss Grand Vietnam 2024 ធំឡើងនៅក្នុងគ្រួសារមួយដែលឪពុកធ្វើការនៅទីភ្នាក់ងាររដ្ឋាភិបាល ហើយម្តាយរបស់នាងគឺជាគ្រូបង្រៀន។ ម្ចាស់ជ័យលាភីរូបនេះបាននិយាយថា ឪពុកម្តាយរបស់នាងបានបង្រៀននាងនូវក្តីមេត្តា និងការតាំងចិត្ត។ គ្រួសាររបស់នាងគឺជាកម្លាំងចិត្តដ៏អស្ចារ្យក្នុងការជួយនាងក្នុងការប្រលងប្រជែងសម្រស់។
មុននឹងទទួលបានជ័យលាភីនេះ Que Anh មានបទពិសោធន៍ធ្លាប់ចូលរួមការប្រកួតសម្រស់ជាច្រើនលើក។ នាងបានជាប់ចំណាត់ថ្នាក់លេខ១នៅសកលវិទ្យាល័យ Hue ឆ្នាំ ២០២០ ក្នុងបវរកញ្ញាកំពូលទាំង ៤០ នៃបវរកញ្ញាវៀតណាមឆ្នាំ ២០២០ និងចំណាត់ថ្នាក់លេខ ១ ក្នុងទេសចរណ៍ Da Nang ឆ្នាំ ២០២២។ Que Anh បានបញ្ចប់ថ្នាក់បរិញ្ញាបត្រផ្នែកភាសាកូរ៉េ និងវប្បធម៌នៅសកលវិទ្យាល័យ Hue។ ភាពស្រស់ស្អាតបានចូលរួមក្នុងការផ្លាស់ប្តូរជាមួយវិទ្យាស្ថានស្រាវជ្រាវវប្បធម៌ប្រពៃណីកូរ៉េ និងទីក្រុង Hue ក្នុងឆ្នាំ ២០២៣។ នាងមានវិញ្ញាបនបត្រភាសាកូរ៉េ B2 – CEFR មគ្គុទ្ទេសទេសចរណ៍អន្តរជាតិ។
Que Anh បានរ៉េប និងរាំក្នុងវគ្គ Grand Voice ឈានដល់វគ្គផ្តាច់ព្រ័ត្រកំពូលទាំង ៥។ នាងចង់បន្តសិល្បៈ ជាពិសេសតន្ត្រីទៅថ្ងៃអនាគត។នាងនឹងមានពេលជាងពីរខែដើម្បីត្រៀមខ្លួននិងអនុវត្តជំនាញដើម្បីចូលរួមក្នុងកម្មវិធី Miss Grand International 2024 ដែលប្រព្រឹត្តទៅក្នុង នៅប្រទេសថៃ និងកម្ពុជា នាខែតុលាខាងមុខ៕
