យោងតាមសារព័ត៌មាន CNN បេក្ខជនប្រធានាធិបតីនៃគណបក្សប្រជាធិបតេយ្យលោកស្រី Kamala Harris បានធ្វើឱ្យមានការចាប់អារម្មណ៍នៅពេលមកដល់ទីស្នាក់ការកណ្តាលនៅទីក្រុង Wilmington កាលពីថ្ងៃទី២២ ខែកក្កដា ព្រមជាមួយនឹងបទ Freedom របស់តារាចម្រៀង Beyoncé ។ ប្រភពជិតស្និទ្ធនឹងលោកស្រី Kamala បាននិយាយថាភាគីរបស់ Beyoncé បានធ្វើការសម្រេចចិត្តតែប៉ុន្មានម៉ោងមុនពេលដែលអ្នកនយោបាយស្រ្តីរូបនេះ ដើរមកដើម្បីស្វាគមន៍សាធារណជន។.png)
អនុប្រធានាធិបតីរូបនេះបានបន្តប្រើបទចម្រៀងសម្រាប់យុទ្ធនាការឃោសនាបោះឆ្នោតលើកដំបូងរបស់ខ្លួននៅរដ្ឋ Wisconsin នៅថ្ងៃទី ២៣ ខែកក្កដា។ គេហទំព័រព័ត៌មានបានអត្ថាធិប្បាយថាកិច្ចព្រមព្រៀងរបស់ Beyoncé ក្នុងការអនុញ្ញាតឱ្យលោកស្រី Kamala Harris ប្រើប្រាស់តន្ត្រីរបស់នាងមានន័យថានាងគាំទ្រស្រ្តីរូបនេះជាអ្នកស្នងតំណែងរបស់ប្រធានាធិបតី Joe Biden។ 
Beyoncé ត្រូវបានគេស្គាល់ជាយូរមកហើយថាជាអ្នកគាំទ្រគណបក្សប្រជាធិបតេយ្យ។ ក្នុងឆ្នាំ ២០១៣ តារាចម្រៀងរូបនេះបានច្រៀងភ្លេងជាតិនៅឯពិធីសម្ពោធរបស់ប្រធានាធិបតី Barack Obama ។ ៣ឆ្នាំក្រោយមក នាង និងស្វាមី បានធ្វើការប្រគំតន្ត្រីមុនការបោះឆ្នោតសម្រាប់លោកស្រី Hillary Clinton ក្នុងរដ្ឋ Ohio។ 
នៅឆ្នាំ២០២០ Beyoncé បានជំរុញឱ្យហ្វេននៅលើ Instagram បោះឆ្នោតឱ្យលោក Joe Biden និងlលោកស្រី Kamala Harris នៅពេលទាំងពីរបានឈរឈ្មោះជាប្រធានាធិបតី និងអនុប្រធានាធិបតីអាម៉េរិក។
ក្រៅពី Beyoncé តារាល្បីៗជាច្រើននាក់ទៀតបានចូលរួមគាំទ្រជាមួយបេក្ខភាពស្រ្តីរូបនេះ។ យោងតាម កាសែត The Guardian ខណៈពេលដែលលោកស្រី Kamala Harris ត្រូវបានគាំទ្រដោយ Beyoncé គូប្រជែងរបស់លោកស្រីគឺលោក Donald Trump មានការពិបាកក្នុងការស្វែងរកជំនួយពីសិល្បករ។ អ្នកចម្រៀងជាច្រើនដូចជា Adele, Rihanna និងអ្នកជាច្រើនទៀតបានបដិសេធសំណើរបស់លោកក្នុងការប្រើតន្ត្រីរបស់ពួកគេនៅក្នុងយុទ្ធនាការបោះឆ្នោត៕
