នៅក្នុងប្រទេសកម្ពុជា មានខេត្ត៤ ដែលជាប់នឹងសមុទ្រ ដែលរួមមានកែប កំពត ព្រះសីហនុ និងកោះកុង។ ក្នុងចំណោម៤ខេត្ត មានខេត្ត២ ដែលមានព្រលានយន្ត។
នៅក្នុងនោះ ខេត្តព្រះសីហនុ មានព្រលានយន្តហោះ២ ដែលមួយដាក់ឱ្យដំណើរការតាំងពីឆ្នាំ២០០៧ គឺអាកាសយានដ្ឋានអន្តរជាតិក្រុងព្រះសីហនុ ខណៈអាកាសយានដ្ឋានអន្តរជាតិលើកោះរ៉ុងវិញ ទើបតែត្រូវបានរដ្ឋាភិបាលបើកភ្លើងខៀវ អនុញ្ញាតឱ្យសាងសង់។
ដោយឡែក ខេត្តកោះកុង ជាខេត្តដែលសម្បូរទៅដោយសក្តានុពលទេសចរណ៍ធម្មជាតិ ក៏មានព្រលានយន្តហោះមួយដែរ មានឈ្មោះថាអាកាសយានដ្ឋានអន្តរជាតិតារាសាគរ ដែលនឹងបើកឱ្យដំណើរការនាថ្ងៃទី៨ ខែសីហា ឆ្នាំ២០២៤ ខាងមុខនេះ។
ការដែលមានព្រលានយន្តហោះច្រើនបែបនេះ ផ្តល់ភាពងាយស្រួលដល់ការធ្វើដំណើររបស់ភ្ញៀវទេសចរ ដែលចំណាយពេលវេលាតិច និងតម្លៃសមរម្យ៕
